کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Serokê Baroya Stenbolê Îbrahîm Kaboglu / Wêne: ANKA

Serokê Baroya Stenbolê Îbrahîm Kaboglu / Wêne: ANKA

TIRKIYE

Baroya Stenbolê: Mafên bingehîn bi awayekî sîstematîk tên binpêkirin

Maseya Edîtoran

Maseya Edîtoran

21-07-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran21-07-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Serokê Baroya Stenbolê Îbrahîm Kaboglu behsa darazê û maf û azadiyên bingehîn kir û got, “Eger em di nav şer de bûna jî divabû ew maf nehatana binpêkirin.”

Serokê Baroya Stenbolê Îbrahîm Kaboglu li ser sala nû ya darazê civîneke medyayê li dar xist.

Îbrahîm Kaboglu anî zimên ku "Mafên bingehîn ên ku di dema şer de jî nayên guhertin, îro bi awayekî sîstematîk tên binpêkirin."

Kaboglu sala nû ya darazê di çarçoveya "pîşeya parêzeriyê, dewleta hiqûqê, serbixwebûna darazê û maf û azadiyên bingehîn" de nirxand.

Serokê Baroyê qala xebatên baroyê yên salekê kir û diyar kir ku Baroya Stenbolê ne tenê rêxistineke pîşeyî ye û baro ji bo parastina dewleta hiqûqê û mafên mirovan xwedî berpirsyariyeke destûrî ye jî.

"Hevpîşeyên me rastî tundiyê hatin"

Kaboglu bal kişand ser êrişên li dijî parêzeran û behsa wan parêzeran kir ku hatine qetilkirin:

"Kuştina Zekeriya Polat û Hatîce Kocaefeyê em hemû gelekî êşandin.

Ji bilî wê jî gelek hevpîşeyên me rastî tundiyê hatin. Ev tundî ne tenê ji nav civakê ye, di heman demê de ji ber zextên dewletê jî pêk hat.

Wekî Baroya Stenbolê em li ba her hevpîşeyekî xwe yê ku rastî êrişê hatiye sekinîn û me piştgiriya hiqûqî da wan."

"Kapasîteya Bakirkoyê 2 qat, ya Sîlîvriyê 3 qat e"

Kaboglu li ser lêkolînên xwe yên li girtîgehan agahî dan û diyar kir ku wan serdana gelek girtîgehan kiriye:

"Me di serdanên xwe de dît ku girtî û hikûmxwar rastî kiryarên xerab tên û ji prensîba rûmeta wekhev bêpar in.

Pirsgirêka kapasîteyê ya girtîgehan roj bi roj girantir dibe. Li Girtîgeha Bakirkoyê bi qasî 2 qatan, li Sîlîvriyê 3 qatan zêdetirî kapasîteyê girtî hene.

Ji ber vê yekê, hem mafê cih û tenduristiyê yê girtiyan tê binpêkirin û hem jî xebatkarên girtîgehan (gardiyan) neçar in di bin şert û mercên giran de bixebitin."

Kaboglu destnîşan kir ku mafên bingehîn ên di xala 15an a destûra bingehîn de hatine mîsogerkirin bi awayekî sîstematîk tên binpêkirin û wiha pê de çû:

"Eger Tirkiye di nava şer de bûya jî diviyabû mafên bingehîn nehatana binpêkirin lê îro bi awayekî sîstematîk tên binpêkirin."

"Pişt re delîlan çêdikin"

Kaboglu kiryarên wekî girtin û desteserkirinê jî rexne kirin.

Li gorî gotina wî di dema lêpirsînan de prensîbên dewleta hiqûqê tên binpêkirin.

Kaboglu da zanîn ku xwedîbûna nêrîneke siyasî ya diyar ji bo bêparkirina azadiyê wekî hinceteke têrker tê dîtin.

Serokê Baroya Stenbolê dîtinên xwe bi van gotinan anîn zimên:

"Piştî ku mirov ji azadiya xwe bêpar dimînin, dest pê dikin delîlan çêdikin.

Îdianame jî bi mehan, heta bi salan şûnde tên amadekirin. Ev yek bi awayekî eşkere desteserkirina azadiya kesan e."

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên