Hewlêr (Rûdaw) - Li navçeya Beypazariyê ya parêzgeha Enqereyê ya Tirkiyeyê li qada xebatê ya Şirketa Enerjiyê ya Çayirhanê qezayeke madenê rû da û karkerek mir.
Parêzgariya Enqereyê li ser bûyerê daxuyaniyek belav kir û da zanîn ku 20 karker birîndar bûne û karkerek jî miriye.
Parêzgariyê eşkere kir ku bûyer doh danê êvarê li taxa Hirkatepeyê qewimiye.
Di daxuyaniyê de wiha hat gotin:
"Li gorî tespîtên ewil, li pişt qada xebatê ban herifiye û ji ber zextê karker li derdorê belav bûne.
Tîmên cendirme, ewlehî, agirvemirandin, AFAD, UMKE û tîmên tenduristiyê çûn cihê bûyerê.
15 ambulansan birîndar veguhastin nexweşxaneyan.
Ji bûyerê 20 welatiyên me bandor bûn û karkerekî madenê mir.
Tedawiya birîndaran berdewam dike."
Parêzgariyê her wiha da zanîn ku li ser sedema qezayê dest bi lêpirsînekê hatiye kirin.
Serbijîşkê Nexweşxaneya Dewletê ya Beypazariyê Selahattîn Biçak li ber nexweşxaneyê daxuyanî da rojnamegeran û diyar kir ku birîndarên ku gihîştine nexweşxaneyê li serê xwe ne û rewşa wan tê şopandin.
