کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Polîsekî Tirkiyeyê / Wêne: Arşîv

Polîsekî Tirkiyeyê / Wêne: Arşîv

TIRKIYE

Li Tirkiyeyê polîs dê dest ji kar berdin

Maseya Edîtoran

Maseya Edîtoran

27-09-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran27-09-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Sendîkaya Teşkîlata Ewlehiyê ya Tirkiyeyê ragihand ku ew dê roja duşemê (sibe) dest ji kar berdin.

Sendîkaya Teşkîlata Ewlehiyê ya Tirkiyeyê diyar kir ku ew dê ji ber zêdebûna xwekuştina polîsan, krîza aborî û şert û mercên giran ên xebatê vê çalakiyê pêk bînin.

Di 5 rojan de 7 polîsan xwe kuştiye

Sendîkayê daxuyaniyeke nivîskî belav kir.

Sendîkaya Teşkîlata Ewlehiyê ya Tirkiyeyê bal kişand ser barê giran ê li ser milê karmendan.

Sendîkayê da zanîn ku di 5 rojên dawî de 7 polîsan dawî li jiyana xwe anî.

Her wiha hat bibîrxistin ku doh li ber avahiya Dadgeha Destûra Bingehîn jî polîsekî xanenişîn dawî li jiyana xwe anî.

Sendîkayê li ser vê yekê got, "Êdî nayê qebûlkirin ku çav li hemberî vê tabloyê bên girtin."

Jiyana polîsan di xeteriyê de ye

Li gorî daxuyaniyê, krîza aborî, şertên giran ên xebatê, zextên derûnî (mobîng) û kêmbûna meaşên xanenişîniyê jiyana polîsan xistiye rewşeke metirsîdar.

Di daxuyaniya sendîkayê de bêdengiya desthilatê bi tundî hat rexnekirin.

Sendîkayê sedemên nerazîbûna xwe wiha rêz kirin:

"Daxwaza nîşaneya pêvek a 3600î nehatiye bicihanîn. Pirsgirêkên xebatkarên xizmetên alîkar nehatine çareserkirin û ji bo karê wekhev meaşê wekhev nehatiye dayîn.

Di maseya peymana giştî de daxwazên polîsan hatin paşguhkirin. Bi salan e 'Yasaya Pîşeyî ya Polîsan' nayê derxistin."

Hat diyarkirin ku tevî çareserî guhdarîkirina daxwazên karmendan e jî ti gavên berbiçav nehatine avêtin.

Dilgiraniya ji bo paşerojê

Her wiha hat destnîşankirin ku karmendên li ser kar di nav krîza debarê de ne û polîsên xanenişîn jî rûbirûyî şertên giran ên jiyanê bûne.

Bi taybetî karmendên ku piştî sala 2008an dest bi kar kirine gelekî dilgiran in.

Ew ji ber qanûna hejmar 5510, ji paşeroj û meaşê xanenişîniya xwe bi fikar in.

"Êdî dema bilindkirina dengê me ye"

Sendîkaya Ewlehiyê biryara çalakiya xwe ya berfireh bi vî rengî eşkere kir:

"Êdî ne dema rêzkirina pirsgirêkan e, dema bilindkirina dengê me yê hevpar e.

Ji bo ku em balê bikişînin ser windabûna canê hevalên xwe, pirsgirêkên aborî û civakî, zextên li ser kar û mafên xwe yên ku bi salan e hatine xwarin em dê dest ji kar berdin.

Em dê roja duşemê 28ê Îlonê piştî nîvro li seranserê Tirkiyeyê dest ji kar berdin."

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên