کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Wêneyê temsîlî / Wêne: Shutterstock

Wêneyê temsîlî / Wêne: Shutterstock

TIRKIYE

Li Tirkiye û Bakurê Kurdistanê di mehekê de 20 jin hatin kuştin

Maseya Edîtoran

Maseya Edîtoran

06-11-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran06-11-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Li gorî rapora meha Çiriya Pêşîn a Platforma Em Dê Kuştina Jinan Rawestînin (KCDP), li seranserê Tirkiye û Bakurê Kurdistanê di mehekê de 20 jin ji aliyê mêran ve hatine kuştin.

Her wiha mirina 39 jinan jî biguman e.

Di raporê de hat destnîşankirin ku ji sedî 75ê jinan bi çekan hatine kuştin.

Platforma Em Dê Kuştina Jinan Rawestînin (KCDP) rapora xwe ya meha Çiriya Pêşîn a 2026an belav kir.

Ev rapor li ser kuştina jinên li Tirkiye û Bakurê Kurdistanê hatiye amadekirin.

Her wiha 39 jin jî di şert û mercên biguman mirine.

Sedema kuştina 14 jinan ne diyar e

Li gorî raporê, ji 20 jinên ku hatine kuştin, sedema kuştina 14 jinan bi ti awayî nehatiye destnîşankirin.

Hat diyarkirin ku 4 jin ji ber daxwaza hevberdanê yan jî redkirina lihevhatinê hatine kuştin.

Jinek ji ber sedemên aborî û jinek jî ji ber redkirina daxwaza hevaltiyê hatiye kuştin.

Platformê daxuyand ku nedestnîşankirina kujeran û sedemên kuştinê, encama polîtîkaya nedîtina tund û tûjiya li dijî jinan e.

Hat diyarkirin ku heta darizandineke adil çênebe û cezayên çavtirsîner li kujeran neyên birîn, dê tund û tûjiya li dijî jinan bidome.

Kujer kî ne?

Di raporê de hat eşkerekirin ku 5 jin (ji sedî 25) ji aliyê hevjînên xwe ve hatine kuştin.

Her wiha 4 jin ji aliyê hevjînên xwe yên berê û 4 jin jî ji aliyê hevalên xwe yên mêr ve hatine kuştin.

2 jin ji aliyê hevalên xwe yên berê, jinek ji aliyê bavê xwe û jinek jî ji aliyê kesekî nas ve hatiye kuştin.

Ji sedî 75ê jinan bi çekan hatine kuştin

Ji 20 jinên ku hatine kuştin 15 ji wan (ji sedî 75) bi çekan hatine kuştin.

3 jin bi kêr û amûrên birek, jinek bi xeniqandinê û jinek jî bi şewitandinê hatiye kuştin.

Ji van bûyeran 9 li malê û 3 jî li kolanê pêk hatine.

Her wiha 2 jin di otomobîlan de, 2 li cihê kar û jinek jî li seyrangehekê hatiye kuştin.

Li aliyê din, hat diyarkirin ku ji sedî 15ê wan jinan tevî ku biryara parastinê ji bo wan hebû jî hatine kuştin.

Ev biryara parastinê li gorî Yasaya Hejmar 6284an hatibû dayîn.

Amarên kuştina jinan (Çiriya Pêşîn a 2026an):

• Hejmara jinên hatine kuştin: 20 jin

• Mirinên biguman: 39 jin

Amûrên kuştinê:

• Bi çekan: 15 jin (ji sedî 75)

• Bi kêran: 3 jin

• Bi xeniqandinê: Jinek

• Bi şewitandinê: Jinek

Kujer kî ne?

• Hevjîn: 5 jin (ji sedî 25)

• Hevjînên berê: 4 jin

• Hevalên mêr: 4 jin

• Hevalên mêr ên berê: 2 jin

• Bav û nas: 2 jin

• Kesên nediyar: 3 jin

Cihên kuştinê:

• Li malê: 9 jin

• Li kolanê: 3 jin

• Di otomobîl û kargehan de: 4 jin

• Li seyrangehê: Jinek

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên