کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Tuncer Bakirhan / Wêne: Amed

Tuncer Bakirhan / Wêne: Amed

TIRKIYE

Bakirhan: Şert û mercên xebata Ocalan hatin guhertin

Maseya Edîtoran

Maseya Edîtoran

17-11-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran17-11-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Hevserokê Giştî yê DEM Partiyê ragihand ku şert û mercên xebata Rêberê PKKyê Abdullah Ocalan hatin guhertin û sekreteriya wî hatiye xurtkirin.

Hevserokê Giştî yê DEM Partiyê Tuncer Bakirhan di civîna koma partiya xwe ya li Parlamentoya Tirkiyeyê de axivî.

Tuncer Bakirhan di destpêka axaftina xwe de Abdulvahap Aksoy bi bîr anî ku piştî 30 salan sala 2024an hatibû berdan û doh koça dawî kir.

Bakirhan ji malbata wî û gelê Kurd re sersaxî xwest.

"Divê girtiyên nexweş demildest bên berdan"

Tuncer Bakirhan bal kişand ser rewşa girtiyên nexweş û wiha got:

“Çend roj berê girtiyê nexweş Tuncer Saglam canê xwe ji dest da. Her wiha girtiya nexweş Newroz Bozkurt jî li nexweşxaneyê tê dermankirin. Teşxîsa penceşêrê li girtiya nexweş Evîn Zapsûyê hat danîn.

Ji bo berdana girtiyên nexweş pêwîstî bi yasaya çarçoveyî nîne. Êdî tehemula me nemaye.

Em bangî rayedaran dikin ku demildest girtiyên nexweş berdin. Îro jî li ber Wezareta Dadê dê çalakiya nobedê bê destpêkirin. Êdî tehemula kesî nemaye. Heta girtî bên berdan çalakî dê bidome.”

"Em dê siyasetmedarên Kurd biparêzin"

Tuncer Bakirhan nerazîbûn nîşanî desteserkirina Serokê PSKyê Bayram Bozyel û siyasetmedarên din ên Kurd da û got:

“Fikir û ramanên me cuda bin jî ji bo me parastina wan rêgezek e û em vê desteserkirinê şermezar dikin.”

Tuncer Bakirhan nerazîbûn nîşanî tayînkirina qeyûm a li ser Sozcu TVyê jî da.

Wî her wiha nerazîbûn nîşanî desteserkirina parêzerên endamên ÇHDyê da û xwest ku dawî li wan kiryarên ku li pêşiya demokrasiyê dibin asteng bê anîn.

Pêvajoya çareseriyê

Tuncer Bakirhan bal kişand ser pêvajoya çareseriyê û wiha got:

“Pêvajo bi îradeyeke mezin didome. Em vê pêvajoyê wekî avakirina jiyana hevpar dibînin. Di pêkanîna aştiyê de tişta şaş taloqkirin û bêtehemuliya li dijî demokrasiyê ye.

Birêvebiriya Tevgerê helwesta xwe bi îradeyeke şênber nîşan da. Wan got, îradeya wan a çareseriyê tam e û eger dewlet gavên pêwîst biavêje ew amade ne.

Pêvajo ji çar qonaxan pêk tê. Ya yekemîn bidawîanîna pevçûnan bû. Ev pêk hat. Ya duyem dan û standin e û ev jî pêk hat. Ya sêyem çarçoveya hiqûqî ye. Ev jî tevî kêmasî û nebaşiyan pêk hat û em di nav de ne. Ya çaremîn jî demokratîkbûn e û ev jî li pêşiya me ye.”

"Şertên xebata Birêz Ocalan guherîn"

Tuncer Bakirhan destnîşan kir ku divê yasaya çarçoveyî bikeve meriyetê û wiha pê de çû:

“Birêz Ocalan derbasî cihê xwe yê nû bû. Di şert û mercên xebata wî de guherîn hat kirin û sekreteriya wî hat xurtkirin. Em van agahiyan cara ewil parve dikin.

Em jî dibêjin werin em paşeroja Tirkiyeyê bi hev re binivîsin. Divê li şûna çekan hiqûq bê bicihkirin.

Em bi hev re di deriyê aştiyê de derbas bibin. Bila ev Meclis bibe meclisa çareseriya pirsgirêka sed salan.

Me di hevdîtina bi Birêz Numan Kurtulmuş re jî got ku mayîndebûna aştiyê bi demokrasiyê pêkan e.

Divê Komîsyona Meclisê tenê çavdêriyê neke û piştgiriya civakîkirina aştiyê bike. Birêz Numan Kurtulmuş jî bi erênî nêzî rexne û pêşniyarên me bû. Di vê pêvajoyê de niyeta me ji dil û baş e.”

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên