کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Recep Tayyîp Erdogan / Wêne: AA

Recep Tayyîp Erdogan / Wêne: AA

TIRKIYE

Erdogan: Em dê pêvajoyê bigihînin armanca wê

RÛDAW

RÛDAW

24-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW24-03-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Serokkomarê Tirkiyeyê Recep Tayyîp Erdogan ragihand ku ew dê pêvajoyê tevî hemû astengiyan bigihînin armanca wê.

Erdogan bal kişand ser "Tirkiyeyeke Bêteror" û got, "Îdeala me ya Herêmeke Bêteror rê li ber planên wan kesan digire ku dixwazin tovên nifaqê têxin navbera Kurd, Tirk, Ereb û Farisan.”

Kabîneya Serokkomariyê piştî navbereke du hefteyî ji bo gotûbêjkirina mijarên girîng bi serokatiya Serokkomarê Tirkiyeyê Recep Tayyîp Erdogan civiya.

Recep Tayyîp Erdogan piştî civînê daxuyanî da.

"Em destûrê nadin provokasyonan"

Erdogan li ser pêvajoya çareseriyê peyam dan û wiha got:

“Roja duyem a Cejnê rastî roja Newrozê hat. Newroz li gelek cihan ji aliyê gelên bira ve di nav hewayeke cejnê de tê pîrozkirin.

Salên borî rûdanên ku li gorî ruhê Newrozê nînin diqewimîn.

Lê em dibînin ku bi bandora 'Tirkiyeyeke Bêteror' di van 2 salên dawî de ev bûyer bi awayekî cidî kêm bûne.

Em derbarê wan xeraban de jî tiştê pêwîst dikin ku wekî li Amed û Stenbolê, Newrozê dikin hincet û bi hestên miletê me dileyîzin.

Em destûrê nadin ti provokasyonekê ku sîberê bixe ser nirxên ku Newroz wan temsîl dike.

Ev navtêdanên bi vî rengî yên ku armanca wan têkbirina pêvajoya Tirkiyeyeke Bêteror e dê ji me bersiva pêwîst wergirin.

Van rojan nirxê vê pêvajoyê yê stratejîk baştir tê fêmkirin.

Dê ne hêza provokatoran ne jî ya axayên wan têrê bike ku me ji vê rêya xêrê vegerînin.

“Em dê pêvajoyê bigihînin armanca wê”

Tevî astengiyên cihêreng ên derdikevin pêşiya me, em dê wê pêvajoya ku em 17 meh in bi hestiyariyê bi rê ve dibin bigihînin armanca wê.

Dibe ku rêya me asê be lê rê û asoya welatê me vekirî ye, paşeroja me ronî ye.

Heke pêvajoya Tirkiyeyeke Bêteror lîstika bixwîn a nîv sedsalî xera bike, îdeala me ya Herêmeke Bêteror jî rê li ber planên wan kesan digire ku dixwazin tovên nîfaqê têxin navbera Kurd, Tirk, Ereb û Farisan.

Me ev pêşî di bipêşketinên li bakurê Sûriyeyê de dît û herî dawî jî di plana qirêj a li dijî Îranê de dît.

Ev her du bipêşketinê bi tenê jî têrê dikin da ku nêrîn û nirxê wê yê stratejîk ê ku me sal û nîvek berê danîbû holê, were fêmkirin.

Her ku biratiya me xurttir bibe û serdema çek û tundiyê biqede, yên ku bi ser dikevin dê welatê me, miletê me û gelên bira bin. Bila gumana ti kesî ji vê nebe.

Ev hezar sal e ku em li vê cografyayê bi hev re dijîn. Xem û şahiya me jî bû yek.

Îro jî dilê me bi hev re lê dide, hêsirên me bi hev re dibarin.

Em dê zimanê gerdûnî yê biratiyê li herêma xwe bilind bikin.

Ez hêvî dikim Newroza ku em di bin sîbera şeran de derbas dikin, di serî de ji miletê me re, ji gelên herêmê re aştî, aramî û bereketê bîne.

Ez hêvîdar im ku ev roja watedar girêdanên hezkirinê yên di navbera me de xurttir bike.

Wekî kabîne me di seranserê Remezan û Cejnê de xebatên xwe domandin.

Me 2 hefteyên têr û tijî hem di çarçoveya hevdîtinên bi gelê xwe re hem jî di hevdîtinên derve de li pey xwe hiştin.

12ê Adarê me Sekreterê Giştî yê Neteweyên Yekbûyî li Kuliyeya xwe qebûl kir û me Xelata Aştiyê ya Navneteweyî ya Ataturk pêşkêşî wî kir.”

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên