کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Dayîkên Aştiyê bi nûnerên AK Partiyê re civiyan: Wêne: AA

Dayîkên Aştiyê bi nûnerên AK Partiyê re civiyan: Wêne: AA

TIRKIYE

Dayîkên Aştiyê li Enqereyê ne û Erdogan peyamên nû dan

RÛDAW

RÛDAW

08-05-2026
Guhdarî bike
0:00
0:00
Mezinahiya Nivîsê
RÛDAW
RÛDAW08-05-2026

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Hewlêr (Rûdaw) - Serokkomarê Tirkiyeyê Recep Tayyîp Erdogan Stenbolê beşdarî Pêşangeha Navneteweyî ya Pîşesaziya Parastinê, Balafirvanî û Fezayê (SAHA EXPO 2026) bû.

Erdogan beşeke axaftina xwe ji bo pêvajoya çareseriyê veqetand û ev pêvajo wekî pêngava “herî stratejîk a xurtkirina eniya navxwe” pênase kir û got:

“Tirkiyeyeke bê teror, li hemberî şerê parvekirinê yê ku li herêmê tê birêvebirin, çepereke bihêz e ku di hişmendî û dilê miletê me de hatiye avakirin.

Biryargeha ramanî û siyasî ya hevbeş a vê çeperê jî bê guman Hevpeymaniya Cumhurê e.

Gihiştina bi vê armancê ne bi qalibên jiberkirî, bi aqilmendî, wêrekî û bi nêzîkatiyeke jixwebawer pêkan e. Bi destûra Xwedê, êdî veger ji vê rêyê nîne û dê nebe jî.”

Peyamên Dayîkên Aştiyê

Hevdem li gel axaftina Erdogan, şandeyeke Dayîkên Aştiyê bi rêberiya DEM Partiyê, li Parlamentoyê bi koma AK Partiyê re rûnişt.

Dayîkan wekî nîşana niyetpakî û aştiyê çarika spî pêşkêşî şandeya AK Partiyê kir.

Di civînê de dayîkan daxwaza xwe ya hevdîtina li gel Serokkomarê Tirkiyeyê jî eşkere kir.

Dayîka Aştiyê Muzeyyen Butunê diyar kir ku ew geşbîn in û got:

“Em bawer dikin ku dê tiştên baş çêbibin. Helbet bi kiryarên birêz Serokkomar, em bawer dikin ku dê tiştên baş çêbibin.”

Hevdîtinên li gel partiyên mixalefetê

Dayîkên Aştiyê berî AK Partiyê bi Partiya Gel a Komarî (CHP) û Partiya Paşerojê re jî rûniştin.

Dayîk li gel Ozgur Ozel û Ahmet Davutoglu civiyan û hêvî û daxwazên xwe yên li ser aştiyê gihandin wan.

Berdevka DEM Partiyê Ayşegul Doganê li ser van serdanan agahî dan û destnîşan kir:

“Dayîkên Aştiyê ji Wan, Amed û Îzmîrê hatine û li ser navê bi hezaran dayîkan li vir in.

Wan di hemû hevdîtinan de daxwaz kir ku bila êdî dayîk negirîn.

Em wekî DEM Partiyê ji bo pêşwazî û guhdarîkirina li dayîkan û daxwazên wan, spasiya hemû wan partiyên siyasî dikin ku em heta niha bi wan re rûniştine.”

Serlêdana ji bo Girava Îmraliyê

Dayîkan piştî temamkirina hevdîtinên xwe yên bi partiyên siyasî re berê xwe da Wezareta Dadê ya Tirkiyeyê.

Wan ji bo serdana Girava Îmraliyê û hevdîtina li gel Abdullah Ocalan bi awayekî fermî serlêdan kir.

Dayîka Aştiyê Behîye Yalçinê daxuyand ku ew li benda bersiveke erênî ne û li pey çû:

“Em hêvî dikin bi helkefta Roja Dayîkan ev daxwaza me were qebûlkirin.

Em dixwazin rêya hevdîtinê were vekirin da ku her kes karibe biçe û bi wî re (Ocalan) hevdîtinê bike.”

Çend hefte bûn ji ber neavêtina gavên yasayî, li ser çarenivîsa pêvajoya çareseriyê di nav raya giştî de dilgiranî zêde dibûn.

Lê daxuyaniyên dawî yên Erdogan û Serokê MHPyê û her wiha vê destpêşxeriya nû ya Dayîkên Aştiyê careke din hêvî geş kirine.

Nûçeyên Têkildar

Li Edîrne û Kirklareliyê 29 koçberên neyasayî hatin desteserkirin
TIRKIYE19-11-2026

Li Edîrne û Kirklareliyê 29 koçberên neyasayî hatin desteserkirin

Bahçelî 7 pirsgirêkên Tirkiyeyê rêz kirin û banga çareseriyê kir
TIRKIYE19-11-2026

Bahçelî 7 pirsgirêkên Tirkiyeyê rêz kirin û banga çareseriyê kir

Ozgur Ozel: Partiya NÛ endaman nade Desteya Çavdêriyê
TIRKIYE18-11-2026

Ozgur Ozel: Partiya NÛ endaman nade Desteya Çavdêriyê

Pirsên