کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

SÛRIYE

Rêberê Durziyan: Durzî parçeyekî Îsraîlê ne ku nayê veqetandin

Maseya Edîtoran

Maseya Edîtoran

25-08-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran25-08-2026

Nûçeyên Têkildar

Gabriyel Moş: Berdewamiya êrişên li ser Xiristiyanan tirsê çêdike
SÛRIYE19-11-2026

Gabriyel Moş: Berdewamiya êrişên li ser Xiristiyanan tirsê çêdike

Li Şamê êrişî hêzên ewlehiyê hat kirin: 2 kuştî, 4 birîndar
SÛRIYE18-11-2026

Li Şamê êrişî hêzên ewlehiyê hat kirin: 2 kuştî, 4 birîndar

Li Reqayê du birayên Kurd hatin desteserkirin
SÛRIYE11-11-2026

Li Reqayê du birayên Kurd hatin desteserkirin

Hewlêr (Rûdaw) - Rêberê Ruhanî yê Durziyên Sûriyeyê Şêx Hikmet Hicrî ragihand ku Durzî parçeyeke dewleta Îsraîlê ne ku nayên veqetandin.

Şêx Hikmet Hicrî her wiha got, “Durzî û Îsraîl heman vîzyona şaristaniyê parve dikin.

Li bajarê Siwêdayê ji bo piştgiriya Îsraîlê bi alayan konvoy hatin lidarxistin.

Rêberê Civaka Durziyan Şêx Hikmet Hicrî daxuyaniyek da ku ew li parêzgeha Siwêdayê ya li başûrê Sûriyeyê ji hikûmeta Şamê serbixwe tevdigere.

Daxuyaniya Hicrî bal kişand

Şêx Hikmet Hicrî da zanîn ku Durzî bi cîhana Rojava û Îsraîlê re ramaneke vekirî û şaristanî parve dikin.

Wî got ku ew vê yekê ji bo avakirina dewletên saxlem dikin.

Li gorî Hicrî, hêzên sereke yên ku civaka Durzî hembêz dikin Îsraîl û Amerîka ne.

Hicrî tekez kir ku Durziyên li Sûriye û Îsraîlê xwe wekî "yek malbatê" dibînin.

Wî pesnê modela dewletê ya Îsraîlê da û got:

"Dewleta Îsraîlê bi hemû pêkhateyên xwe ve îsbat kiriye ku bi rastî jî dewleteke saziyan, zanist û şaristaniyê ye.

Ew dewletek e ku mirov bi awayekî rast ava dike û serweriya hiqûqê ji bo her kesî derbasdar e.

Divê welatên herêmê di avakirina dewletê de vê modela mirovî ji xwe re bikin mînak."

Li kolanên Siwêdayê meşa bi alayên hevpar

Hemwextî daxuyaniyên Hicrî, li bajarê Siwêdayê ji bo Îsraîlê meşeke "piştgirî û spasdariyê" hat organîzekirin.

Di konvoyên wesayîtan de alayên Durzî û Îsraîlê li kêleka hev hatin hildan.

Di konvoyan de wêneyên Şêx Hikmet Hicrî û Serokwezîrê Îsraîlê Benjamin Netanyahu hebûn.

Ji beşdarên meşê Firas Şukayr li ser rewşê axivî û got, “Em spasiya artêş û hikûmeta Îsraîlê dikin ku seranserê salê civaka Durzî parastin.

Peymana ewlehiyê pêk hat, em li bendê ne ku di demeke nêzîk de were îmzekirin."

Beşdarekî din ê bi navê Tariq Ebu Hemdan jî anî zimên ku ew dixwazin Îsraîl ewlehî û baweriya Durziyan garantî bike.

Bûyerên tundiyê û midaxeleya Îsraîlê

Krîza li Siwêdayê 13ê Tîrmeha 2025an dest pê kiribû.

Wê demê di navbera milîsên Durzî û Bedewiyan de şer û pevçûn derketibûn.

Piştî midaxeleya artêşa Sûriyeyê alozî zêde bû.

Îsraîlê bi êrişên asmanî cihên leşkerî yên Şamê û avahiya Wezareta Parastinê ya li paytextê bombebaran kiribûn.

Rêberê Durziyan hikûmeta Şamê tawanbar kir.

Wî got ku Şam li dijî sivîlan "şerê tunekirinê" dimeşîne û zarok û jinan direvîne.

Hicrî parast ku eger Siwêda "mafên serweriya temam" bi dest bixe dê li herêmê bibe kevirê bingehîn ê aramiyê.

Li Urdinê hevdîtina Sûriye û Îsraîlê

Dema ev rûdan li Siwêdayê diqewimîn, hat ragihandin ku di navbera Şam û Tel Evîvê de hevdîtinên dîplomatîk ên asta bilind pêk hatine.

Ajansa Nûçeyan a Fermî ya Sûriyeyê (SANA) da zanîn ku şandeyek çûye Urdinê.

Ev şande ji Wezîrê Karên Derve Esed Şeybanî û serokên îstixbaratê pêk dihat.

Şande roja yekşemê li Urdinê bi navbeynkariya Amerîkayê bi rayedarên Îsraîlê re civiya.

Di hevdîtinan de rawestandina êrişên Îsraîlê û îmzekirina peymaneke ewlehiyê hatine nîqaşkirin.

Serokwezîrê Îsraîlê Netanyahu di daxuyaniyên xwe yên berê de soz dabû ku ew dê ewlehiya Durziyên li Sûriyeyê biparêze.

Nûçeyên Têkildar

Gabriyel Moş: Berdewamiya êrişên li ser Xiristiyanan tirsê çêdike
SÛRIYE19-11-2026

Gabriyel Moş: Berdewamiya êrişên li ser Xiristiyanan tirsê çêdike

Li Şamê êrişî hêzên ewlehiyê hat kirin: 2 kuştî, 4 birîndar
SÛRIYE18-11-2026

Li Şamê êrişî hêzên ewlehiyê hat kirin: 2 kuştî, 4 birîndar

Li Reqayê du birayên Kurd hatin desteserkirin
SÛRIYE11-11-2026

Li Reqayê du birayên Kurd hatin desteserkirin

Pirsên