Rûdaw
Kerkûk (Rûdaw) - Tirkmen, mesihî û erebên Kerkûkê li Taxa Arefeyê Ala Kurdistanê bilindkirin û diyar kirin ku Hêzên Pêşmerge ew ji êriş û gefa DAIŞê parastine û wan jiyana xwe di bin Alaya Kurdistanê de bi aramî birêve biriye.
Peyamnêrê Rûdawê li Kerkûkê Hîwa Husamedîn ragihand ku xelkê Kerkûkê yê tirkmen, xrîstiyan û ereb piştgiriya bilindkirina Ala Kurdistanê li avahiyên fermî dikin û îro beşekê ji pêkhatiyên parêzgerê li qada taxa Arefeyê Ala Kurdistanê hildan.
Yek ji girgireyê ereb ê taxa Arefeyê ji Rûdawê re wiha got: “Ev al sembola hevgirtiya kurd, ereb, tirkman û mesihiyan e. Ev al sembola pêşmergeyên ji bo parastina Kerkûkê şehîd bûne û vehewandina zêdetirî 4 milyon koçberên ereb li Kerkûkê û Herêma Kurdistanê ye. Di bin vê alayê de aramî pêk hatiye. Lewma li Kerkûkê û Herêma Kurdistanê bilindkirina vê alayê mafeke rewa ye.”
Heman kesî derbarî biryara parlamentoya Iraqê de jî got: “Parlamentoya Iraqê xwe bi vê mijarê ve mujil dike û krîzê derdixe da ku şerê DAIŞê û pirsgirêkên koçberan bidin jibîrkirin.”
Serokê Komeleya Xetima Quranê li Kerkûkê û Melayê Mizgefta Hasan Necm Dr. Yaşar Yûsif Reza jî ji Rûdawê re wiha axivî: “Kerkûk bajarê biratiyê ye. Li Kerkûkê kurd, ereb û tirkmen bi hev re bi awayekê aştiyane dijîn. Di vê mijarê de ti pirsgirêkên me nîne. . Her kes dikare bi aramî û azadî bijîn.”
Yaşar Yûsif wiha domand: “Em bi saya Pêşmerge û hêzên asayişê li vî bajarî bi aramî dijîn. Heger Hêzên Pêşmergeyên Kurdistanê û hêzên asayîş û ewlekariyê nebûye me nedikarî li vî bajarî bijîn.”
Herwiha Yûsif anî ziman ew li ser navê tirkmanên Kerkûkê sipasiya Serokê Herêma Kurdistanê Mesûd Barzanî dike û wiha domand: “Ez Serokê Herêma Kurdistanê Mesûd Barzanî pîroz dikim ku li Kerkûkê bûye sedem ku îro trikman, ereb û kurd bi hev re jiyaneke hevpar derbas dikin.”
Encûmena Parêzgeha Kekrûkê roja 28ê Adarê biryar da, ku li tevahî sazî û dezgehên parêzgehê Ala Kuridstanê were bilindkirin.
Rêveberiya Herêma Kurdistanê û aliyên siyasî yên kurdî piştgirî dane vê biryarê.
Roja 1ê Nîsanê jî Parlamentoya Iraqê biryar da, ku li Kerkûkê ji bilî Ala Iraqê ti aleke din neyê bilindkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse