Hewlêr (Rûdaw) - Serokê Herêma Kurdistanê Nêçîrvan Barzanî û Wezîrê Karên Derve yê Tirkiyeyê Hakan Fîdan bi telefonê axivîn.
Medyaya fermî ya Tirkiyeyê ragihand ku Nêçîrvan Barzanî û Hakan Fîdan li ser rewşa herêmê axivîne.
Ev pêwendiya telefonî di demekê de ye ku ji roja 28ê Sibata 2026an ve şerekî mezin ê di navbera Îsraîl û Amerîkayê û Îranê de li herêmê dest pê kiriye.
Şer bandoreke mezin li herêmê kiriye ku Herêma Kurdistanê jî yek ji wan e.
"Zêdetirî 90 dron û mûşek hatin avêtin"
Li gorî şopandinên Tora Medyayî ya Rûdawê, di 4 rojên şerê Amerîka û Îsraîlê yê bi Îranê re de, 21 caran êrişî Herêma Kurdistanê hatiye kirin.
Hemû êriş li parêzgeha Hewlêrê hatine kirin û tenê êrişek li parêzgeha Dihokê çêbûye.
Parêzgarê Hewlêrê Omed Xoşnaw îro sêşemê ji Tora Medyayî ya Rûdawê re got:
"Heta niha zêdetirî 90 dron û mûşek avêtine parêzgeha me."
Pergaleke xurt a parastinê
Li gorî gotina Parêzgarê Hewlêrê, pergaleke "xurt" a parastinê hatiye danîn û beriya ku bigihin armanca xwe ya li ser erdê wê pergalê hemû êriş pûç kirine.
🔴Nêçîrvan Barzanî û Hakan Fîdan li ser pêşhatên herêmê axivîn#Israel #Iran #Tahran #Trump #طهران #تل_أبيب pic.twitter.com/TjKxLWu2uv
— RudawKurdi (@RudawKurdi) March 3, 2026
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse