Hewlêr (Rûdaw) - Li parêzgeha Rihayê ya Bakurê Kurdistanê, otobusa rêwiyan a ku ji Wanê ber bi Hatayê diçû wergeriya û di encamê de 30 kes birîndar bûn.
Li gorî zanyariyan, îro li ser rêya Riha û Sirûcê di otobanê de otobusa rêwiyan a ji parêzgeha Wanê ya Bakurê Kurdistanê ber bi parêzgeha Hatayê ya Tirkiyeyê ve diçû ji rê derket û wergeriya.
Di encama qezayê de 30 kes birîndar bûn ku birîna 3 kesan xedar e.
Li ser agahdarkirinê tîmên tenduristiyê, parastina sivîlan û hêzên ewlehiyê çûn cihê qezayê.
Birîndar ji aliyê tîmên parastina sivîlan ve ji otobusê hatin derxistin û tîmên tenduristiyê ew bi ambulansan veguhastin nexweşxaneyên cuda yên Rihayê.
Derbarê bûyerê dest bi lêpirsînê hat kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse