Hewlêr (Rûdaw) - Hevpeymaniya Hêzên Siyasî yên Kurdistana Îranê (Rojhilatê Kurdistanê) di daxuyaniyekê de kêfxweşiya xwe li hemberî biryara Polîtburoya Komelaya Şoreşger a tevlîbûna hevpeymaniyê nîşan da.
Hevpeymaniya Hêzên Siyasiyên Rojhilatê Kurdistanê îro (5ê Adara 2026an) daxuyaniyek belav kir.
Di daxuyaniyê de hat ragihandin:
"Polîtburoya Komelaya Şoreşger a Zehmetkêşên Kurdistana Îranê biryar da ku ji îro pê ve beşdarî Hevpeymaniya Partiyên Siyasî yên Kurdistana Îranê bibe, em vê biryarê bi germî pêşwazî dikin."
Hevpeymaniyê diyar kir ku ev biryara Komelayê di vê qonaxa hestyar de gaveke girîng e û dê bibe sedema yekrêziya zêdetir a hêzên siyasî.
Rola Komelaya Şoreşger
Di daxuyaniyê qala rola Komelaya Şoreşger û hat kirin hat gotin:
"Çawa ku Komelayê di dariştina xal û bendên platforma pesendkirî ya hevpeymaniyê de rol û nexşeke girîng lîstiye, dê di berdewamiya xebata meydanî û bidestxistina armancan de jî rola xwe ya bibandor hebe."
Hevpeymaniya Hêzên Siyasiyên Rojhilatê Kurdistanê diyar kir:
“Hêz di yekgirtin û yekrêziyê de ye û bê guman ew yekgirtin û hevpeymanî dê me ji armancên me nêzîktir bike."
Hevpeymanî kengî hat avakirin?
23yê Sibata îsal, pênc partî û aliyên Rojhilatê Kurdistanê "Hevpeymaniya Hêzên Siyasî yên Kurdistana Îranê" ragihandibû.
Ew pênc aliyên ku hevpeymanî pêk anîbû ev in:
Partiya Demokrat a Kurdistan-Îran (PDK-Î)
Partiya Jiyana Azad a Kurdistanê (PJAK)
Partiya Azadiya Kurdistanê (PAK)
Komeleya Zehmetkêşên Kurdistanê
Sazmana Xebata Kurdistana Îranê
Li gorî daxuyaniya yekem a hevpeymaniyê, piştî qonaxa pevguhertina bîr û ramanan û xebata meydanî ya di "Navenda Diyalogê ya ji bo Hevkariyê" de wan hevpeymanî pêk aniye.
Armanca hevpeymaniyê wekî, "Yekrêzî û hevparbûna xebatê ya zêdetir e ji bo bipêşxistina tevgera siyasî ya Kurd li Îranê û dayîna giranî û rola zêdetir a Kurdistanê û tevgera wê ya siyasî di xebatê de" hatibû diyarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse