Hewlêr (Rûdaw) - Êvara îro yekşemê, dronek li asmanê Hewlêrê hat xistin û ketiye xwarê.
Li gorî zanyariyên Rûdawê, dronek li nêzîkî Girdcotiyar li nêzîkî Enkawa ketiye xwarê û ti ziyan çênebûye.
Ev bûyer di demekê de ye ku nîvroya îro, Qaymeqamê Çomanê Ehmed Barzanî ji Rûdawê re ragihandibû ku du dron ketine xwarê.
Yek li nêzîkî avahiya Çavdêriya Civakî û ya din jî li nêzîkî apartmanên gundê Werde.
Qaymeqamê Çomanê da zanîn ku dronan ziyaneke canî negihandiye lê ziyaneke madî ber avahiya Çavdêriya Civakî ketiye.
Di 28ê Sibatê de, Amerîka û Îsraîlê êrişî Îranê kirin û Îranê jî bi armanckirina baregeh û berjewendiyên Amerîkayê yên li herêmê bersiv da.
Ji wê rojê ve, Balafirgeha Hewlêrê, Konsulxaneya Amerîkayê ya li Hewlêrê û çend navçeyên din ên li ser sînorê parêzgehên Hewlêr, Silêmanî û Dihokê bi dron û mûşekan hatine armanckirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse