Îranê sînorê Hacî Omeran topbaran kir

Soran (Rûdaw) – Îranê bilindahiyên gundê Alane yê ser bi bajarokê Hacî Omeran a Hewlêrê topbaran kir.

Peyamnêrê Rûdawê Bextiyar Qadir ragihand ku vê êvarê (roja înê 07-09-2018) Supaya Pasdaran a Komara Îslamî ya Îranê careke din bi siftî daristan û bilindahiyên gundê Alane yê ser bi bajarokê Hacî Omeran a Hewlêrê topbaran kir.

Muxtarê Gundê Alane Ebdullah Husên ragihand ku Supaya Pasdaran a Îranê herdû bilindahiyên Dola Alane û Marên ên li sînorê gundê me topbaran kir û ji ber topbaranê cotkar, hingivvan û ajeldarên deverê, cih û karê xwe terk kirin.

Fermandarekî Partiya Demokrat a Kurdistana Îranê (PDKÎ) ji Rûdawê re ragihand ku topbaranên Supaya Pasdaran a Îranê piştî wê yekê hat ku Îran ji roja pêncşemê  ve car caran wan deveran topbaran dike  û topbara îro heta saet 21:30ê berdewam bû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger