Hewlêr (Rûdaw) - Li Wanê meaşê şivanan ji sedî 100 zêde bûye û gihîştiye 130 hezar lîreyên Tirkî ku dike nêzîkî 3 hezar dolarên Amerîkî.
Li parêzgeha Wanê ya Bakurê Kurdistanê nêzîkî 3 milyon û nîv pez û bizin hene û li ser asta Tirkiye û Bakurê Kurdistanê di hejmara ajelên biçûk de bajarê yekem e.
Ji ber zêdebûna ajelan pêwîstî bi şivanên zêdetir heye.
Bi hatina biharê re dema derxistina ajelan a ji goman hatiye lê ji ber bilindbûna meaşan û nebûna şivanan ajeldar rûbirûyî pirsgirêkan dibin.
Wekî her sal îsal jî li ber Mizgefta Hecî Osman, Bazara Şivanan hat avakirin û xwediyên keriyan û şivan li vê derê bazarên tund dikin.
Sala borî meaşê şivanan di navbera 60-70 hezar lîreyî de bû lê îsal meaş ji sedî 100 zêde bûye û şivan niha ji bo mehekê daxwaza 130 hezar lîreyî dikin ku dike nêzîkî 3 hezar dolarên Amerîkî.
Kar gelekî zehmet e
Xwediyên keriyan meaşê 130 hezar lîreyî zêde dibînin û dibêjin xerciyên wan ên din jî zêde bûne.
Lê şivanên ku 6 mehan li ser çiya û zozanan pez xwedî dikin dibêjin, karê wan gelekî zehmet e û meaşê ku ew dixwazin ne zêde ye.
Li herêma Serhedê ji ber zivistana dijwar ajel 6 mehan di goman de tên xwedîkirin û 6 mehan jî li mêrg û zozanan tên çêrandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse