کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Êrişeke li Loristanê / Wêne: Ji vîdeoyê

Êrişeke li Loristanê / Wêne: Ji vîdeoyê

Kurdistan

ROJHILATÊ KURDISTANÊ - Herî zêde Loristan hat bombebarankirin

NASIR PÎROTÎ

NASIR PÎROTÎ

09-03-2026
Guhdarî bike
0:00
0:00
Mezinahiya Nivîsê
NASIR PÎROTÎ
NASIR PÎROTÎ09-03-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Di roja 9an a şer de li Rojhilatê Kurdistanê herî zêde êriş li parêzgeha Loristanê hatin kirin.

Alîkarê Parêzgarê Loristanê yê ji bo Kar û Barên Avakirinê Mehdî Mecîdî yekşemê ragihand ku di encama êrişan de xisar gihîştiye 67 malan û 143 dikanên bazirganiyê.

Piştî nîvroya 8ê Adara 2026an, li nav bajarê Xuremavayê yê navenda parêzgeha Loristanê, herî kêm 5 baregehên Supaya Pasdaran û polîsan hatin bombebarankirin.

Baregeha Supaya Pasdaran a li tenişta Keleha Dîrokî ya Felekuleflakê, baregeha Supaya Eşayirî ya Supaya Pasdaran, baregeha Tugaya 57an a artêşê û baregehên polîsan ên li Velîesr û Piştey Huseyn Abadê bûn armanca êrişan.

Birêvebiriya Mîrata Çandî ya Loristanê ragihand ku di êrişan de xisar negihîştiye Keleha Dîrokî ya Felekuleflakê.

Çend sal bûn ji Supaya Pasdaran dihat xwestin ku baregeha xwe ya li kêleka wê avahiya dîrokî vala bike.

Li bajarên din jî êriş çêbûn

Ji xeynî Xuremavayê, îro li bajarên Burûcerd, Nûrabad, Kuyeşt, Elişter û Rûmişkanê yên heman parêzgehê jî baregehên ewlehî û leşkerî yên Îranê bûn armanc.

Medyaya nêzîkî Supaya Pasdaran a li Loristanê, bombebarankirina baregehên leşkerî piştrast kir.

Li gorî daxuyaniyên wan, ji xeynî baregehekê hemû baregehên din berê hatibûn valakirin, lewma di piraniya êrişên yekşemê de ti ziyanên canî çênebûne.

Li gorî vîdeoyên ku hatine belavkirin, di encama êrişên li bajarê Burûcerdê de gelek avahî rûxiyane.

Mehdî Mecîdî her wiha destnîşan kir ku heta doh Şemiyê di encama êrişên li bajarên Xuremava, Burûcerd, Çigenî, Nûrabad û Silsileyê de bi giştî xisar gihîştiye 67 malan û 143 dikanan.

Li Kirmaşan û Seqizê jî teqîn çêbûn

Êvariya Yekşemê li nav bajarê Kirmaşanê dengê du teqînên bihêz hat bihîstin.

Li gorî zanyariyan, Fermandariya Parastina Sînor a Parêzgeha Kirmaşanê û baregeheke polîsan a li nêzîkî wê hatine bombebarankirin.

Her wiha piştî nîvroya yekşemê jî li bajarê Qesra Şîrînê baregeheke Supaya Pasdaran û li bajarê Îslamabadê yê Kirmaşanê baregeheke polîsan bûn armanca êrişên asmanî.

Yekşemê serê sibehê, li nav bajarê Seqizê yê Rojhilatê Kurdistanê jî Baregeha Polîsan a Hejmar 12emîn a li nêzîkî Pira Biharistanê hat bombebarankirin.

Li aliyê din, di medyayê de hat ragihandin ku roja Yekşemê li parêzgeha Îlamê jî êriş pêk hatine.

Hat îdiakirin ku li bajarê Avdananê baregeheke Supaya Pasdaran û ya polîsan, li bajarê Eywanê jî Fermandariya Supaya Pasdaran hatine bombebarankirin lê ev nûçe hîn nehatine piştrastkirin.

Daxuyaniyên Amerîka û Îranê

Fermandariya Navendî ya Hêzên Amerîkayê (CENTCOM) derbarê êrişan de daxuyaniyek da.

CENTCOMê ragihand ku desthilata Îranê herêmên sivîl û qerebalix ji bo veşartina hêzên xwe bi kar tîne û ji ber wê jî ew wan cihan dikin armanc.

CENTCOMê bangî xelkê sivîl jî kir û got, "Di malên xwe de bimînin.

Em nikarin ewlehiya kesên sivîl ên ku nêzîkî wan dezgehan in garantî bikin, çimkî ew der ji aliyê Îranê ve wekî baregehên leşkerî tên bikaranîn."

Li hemberî vê yekê, Serokê Heyva Sor a Îranê Pîrhuseyn Kolîvend diyar kir ku Amerîka û Îsraîl cihên sivîl dikin armanc.

Kolîvend destnîşan kir ku wan rapora van binpêkirinan pêşkêşî rêxistinên navneteweyî û Dadgeha Navneteweyî kiriye.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên