Hewlêr (Rûdaw) - Hevseroka Daîreya Têkiliyên Derve ya Rêveberiya Xweser Îlham Ehmedê xwest ku Başûrê Kurdistanê were parastin û destkeftiyên wê nekevin metirsiyê.
Îlham Ehmedê li ser hesaba xwe ya Xê daxuyaniyek belav kir.
"Gelê Kurd li Başûr û Rojhilat di qonaxên nazik re derbas dibe"
Îlham Ehmedê di peyama xwe de nivîsand, îro ji ber “siyasetên şerxwaz û berjewendîperest”, gelê Kurd li Başûr û Rojhilatê Kurdistanê di qonaxên nazik re derbas dibe.
Wê got, çawa ku li hemberî êrişên li dijî Rojavayê Kurdistanê gelê Kurd û nûnerên wan ên siyasî li çar aliyan bûn xwedî yek deng û yek helwest, divê heman hestiyarî ji bo Başûr û Rojhilatê Kurdistanê jî were nîşandan.
"Gelê Kurd ti caran nebûye alîgirê şer"
Îlham Ehmedê her wiha eşkere kir ku gelê Kurd ti caran nebûye alîgirê şer û dê nebe jî.
Wê tekez kir ku divê ti tevger nebe sedema wê yekê ku destkeftiyên Başûrê Kurdistanê bikevin xeterê.
Îlhamê di heman demê de xwest ku paşeroja gelê Kurd li Rojhilatê Kurdistanê jî bê misogerkirin.
Îlham Ehmedê herî dawî got, "Ji her demê zêdetir pêwîstiya me bi yekîtî, hevgirtin û yekrêziyê heye."
Îro ji ber siyasetên şerxwaz û berjewendî perest, gelê Kurd li Başûr û Rojhilat di qonaxên nazik re derbas dibe.
— Elham Ahmad (@ElhamAhmadSDC) March 10, 2026
Çawa ku li hemberî êrişên li dijî Rojava gelê Kurd û nûnerên wî yên siyasî li çar aliyan bûn xwedî yek deng û yek helwest, divê heman hestiyarî ji bo Başûr û Rojhilat…
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse