Pêşmergeyan li Silêmaniyê dronek xist

Hewlêr (Rûdaw) - Dronek li nêzîkî baregeha Fermandariya Hêzên 70yî ya Pêşmergeyan li bajarê Silêmaniyê hat xistin.

Berdevkê Fermandariya Hêzên 70yî ya Pêşmergeyan Ehmed Letîf ji Rûdawê re ragihand ku derdora saet 22:45an dronek çûye asmanê fermandariyê û ji aliyê hêzên wan ve gule lê hatine reşandin.

Ehmed Letîf da zanîn ku dron li cihekî çolter hatiye xistin û ti ziyanên canî û madî çênebûne.

Demên borî çendîn caran dronên bombebarkirî arasteyî herêmên cuda yên Herêma Kurdistanê hatine kirin.

Şeva 1ê Tîrmehê 2 dronên din li Silêmaniyê hatibûn xistin; yek ji wan li navçeya Taslûceyê û ya din jî li nêzîkî baregeha hêzên Komando û Dije Terorê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger