Hewlêr (Rûdaw) - Serokwezîrê Herêma Kurdistanê di salvegera Şoreşa Îlonê de peyamek belav kir û got, "Em teqeziyê li ser pêbendbûn û bilindragirtina nirxên girîng û biqîmet ên Şoreşa Îlonê dikin.”
Îro di ser Şoreşa Îlonê re 64 sal derbas dibin.
Serokwezîr Mesrûr Barzanî bi vê wesîleyê peyamek belav kir û got:
"Em salvegera Şoreşa Mezin a Îlonê ya bi rêbertiya rêberê me yê niştimanî Cenabê Barzaniyê Nemir bi rêz û rûmet em bi bîr tînin ku şoreşeke seranserî ya gelê Kurdistanê bû bi hemû netewe, ol û pêkhateyên cuda ve.
Şoreşa Îlonê ji bo parastina mafên neteweyî û niştimanî yên gelê Kurdistanê û rawestana li dijî zulm û dagirkeriyê bû.”
“Gelek destkeftiyên girîng hatin bidestxistin”
Serokwezîrê Herêma Kurdistanê li ser encamên Şoreşa Îlonê jî got:
"Ji ber berxwedêrî û îradeya bihêz a gelê Kurdistanê û yekitiya gelê Kurdistanê ya di Şoreşa Îlonê de, gelek destkeftiyên girîng hatin bidestxistin ku ya herî girîng ji wan Peymana 11ê Adara 1970î û neçarkirina rejîma Îraqê bû ku mafên gelê Kurd nas bike."
Artêşa Îraqê 11ê Îlona 1961ê li herêma Bazyan, Geliyê Xelkan û Dihokê dest bi êriş û bombebaranan kir.
19ê Îlonê Ofîsa Siyasî ya Partiya Demokrat a Kurdistanê (PDK) jî li hemberî êriş û bombebaranan biryara parastinê da.
Şoreşê meha Îlona 1961ê bi rêbertiyê Mele Mistefa Barzanî li dijî artêşa Îraqê dest pê kir.
Şoreşê heta Peymana Cezayîrê ya sala 1975an berdewam kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse