Hewlêr (Rûdaw) - Serokatiya Herêma Kurdistanê ji bo leşkerên ku di balafira leşkerî ya kargoyê de li ser sînorê Gurcistan-Azerbeycanê mirine peyameke sersaxiyê belav kir.
Di peyama sersaxiyê ya ku li ser hesabê medyaya civakî yê Serokatiya Herêma Kurdistanê hat belavkirin de wiha hat gotin:
“Em ji ber ketina balafira leşkerî ya li Gurcistanê sersaxiyê ji Komara Tirkiyeyê re dixwazin.
Di vê dema dijwar de duayên me ji bo malbat û hevalên qurbaniyan in.”
Çi bûbû?
Wezareta Parastinê ya Tirkiyeyê şeva borî diyar kiribû ku balafireke wan a leşkerî ya kargoyê ya bi tîpa C130 li ser sînorê Gurcistan-Azerbeycanê ketiye.
Wezaretê vê sibehê ragihand ku her 20 leşkerên di balafirê de mirine û nasnameyên wan eşkere kirin.
Daxuyanî li ser hesabê Xê yê Wezareta Parastinê ya Tirkiyeyê, bi navê Wezîr Yaşar Guler hat dayîn.
Hat zanîn ku piraniya leşkeran pilebilind in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse