کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Cihê bûyerê / Wêne: AFP

Cihê bûyerê / Wêne: AFP

Kurdistan

Li Holendayê bi bombeyê êrişî dibistaneke Cihûyan hat kirin

RÛDAW

RÛDAW

14-03-2026
Guhdarî bike
0:00
0:00
Mezinahiya Nivîsê
RÛDAW
RÛDAW14-03-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Li Amsterdama paytexta Holendayê bi bombeyan êrişî dibistaneke Cihûyan hat kirin.

Şaredara Amsterdamê Femke Halsemayê bûyer wekî "kiryareke êrişkariyê ya nemerdane" pênase kir.

Tê îdiakirin ku komeke radîkal berpirsyariya êrişê girtiye stûyê xwe.

Şeva borî li herêma Buitenveldertê ya Amsterdamê li dîwarê derve yê dibistaneke Cihûyan teqînek çêbû.

Li gorî nûçeya ajansa Holendayê ANPyê, tîmên polîs û agirvemirandinê di demeke kurt de xwe gihand cihê bûyerê.

Hat ragihandin ku teqînê zerereke madî çêkiriye lê kes nemiriye û birîndar nebûye.

Şaredar Halsema: Nayê qebûlkirin

Şaredara Amsterdamê Femke Halsemayê di daxuyaniya xwe ya çapemeniyê de êriş bi tundî şermezar kir.

Halsemayê got, "Ev li dijî civaka Cihûyan kiryareke êrişkar a tirsonek e.

Ez ji tirs û hêrsa ku Cihûyên Amsterdamê hîs dikin fêhm dikim.

Ew her ku diçe zêdetir rûbirûyî antîsemîtîzmê (dijminatiya Cihûyan) dibin û ev nayê qebûlkirin.

Divê dibistan cihek be ku zarok di nava ewlehiyê de dersên xwe bibînin."

Gumana koma radîkal: Logoya di vîdeoyê de bal kişand

Polîs gihişt dîmenên wê kêliyê ku êrişkar teqemeniyê bi cih dike û diteqîne.

Di vîdeoyeke ku li ser medyaya civakî hatiye belavkirin de xuya dibe ku piştî teqînê kesek bi motorsîkletê ji cihê bûyerê dûr dikeve.

Tê îdiakirin ku logoya di vîdeoyê de ya komeke radîkal a bi navê "Harakat Ashab al-Yamin al-Islamiyyah" (Tevgera Ashab el-Yemîn a Îslamî) ye.

Vê komê berê jî berpirsyariya êrişa li ser sînagogeke li bajarê Liègeyê yê Belçîkayê girtibû stûyê xwe.

Hat diyarkirin ku heman logo doh di bûyereke şewitandinê ya li Rotterdamê de jî hatiye dîtin.

Dîlan Yeşîlgoz: Dê têkoşîna me bidome

Alîkara Serokwezîr û Wezîra Parastinê ya Holendayê Dîlan Yeşîlgozê jî li ser êrişê daxuyaniyek da.

Yeşîlgozê li ser hesabê xwe yê medyaya civakî (X) ev peyam belav kir:

"Teqîna li dibistanekê. Kêliyekê bisekinin û li ser vê bifikirin. Gelekî nemerdane ye. Ez li bendê me ku faîl bi lez werin girtin.

Heta ku her zarokekî Cihû di nava ewlehiyê de biçe dibistanê em dê têkoşîna xwe ya li dijî dijminatiya Cihûyan bidomînin."

Tedbîrên ewlehiyê hatin zêdekirin

Ji ber bûyerên berê yên li Rotterdam û Liègeyê, jixwe li saziyên Cihûyan ên li Amsterdamê tedbîrên ewlehiyê hatibûn zêdekirin.

Piştî êrişê li derdora hemû dibistanên Cihûyan û navendên olî yên li bajêr çembera ewlehiyê hat şidandin.

Hat ragihandin ku doh derbarê teqîna li Rotterdamê de 4 ciwan hatine desteserkirin û lêpirsîna li ser wê yekê ku gelo pêwendiya wan bi êrişa Amsterdamê re heye an na berdewam dike.

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên