Hewlêr (Rûdaw) - Serok Mesûd Barzanî daxwaz ji hikûmeta federal a Îraqê û hikûmeta Herêma Kurdistanê kir ku ji bo çareserkirina pirsgirêkan bicivin û bigihên rêkeftinê.
Serok Barzanî peyamek belav kir û bal kişand ser rewşa herêmê û şer û aloziyên heyî.
Serok Barzanî destnîşan kir ku Îraq di bin gefa krîzên cuda de ye û nakokiyên siyasî yên di navbera aliyan de zêde bûne.
Serok Barzanî di peyama xwe de bangî her du hikûmetan kir ku ji bo çareserkirina pirsgirêk û astengiyan bigihên rêkeftinê.
Barzanî her wiha xwest ku rê li ber wan kesên keysperesst were girtin ku dixwazin krîzan kûrtir bikin.
Peyama Serok Mesûd Barzanî wisa ye:
“Di vê demê de ku li herêma me şer û aloziyeke zêde heye, Îraq di bin gefa krîzên curbicur de ye û nakokiyên siyasî yên di navbera aliyan de jî zêde bûne.
Ez daxwazê ji hikûmeta Îraqê ya federal û hikûmeta Herêma Kurdistanê dikim ku ji bo çareserkirina pirsgirêk û astengiyan bi hev re bicivin û bigihên rêkeftinê.
Her wiha divê rê li ber wan kesên keysperest were girtin ku dixwazin krîz û pirsgirêkan kûrtir bikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse