Hewlêr (Rûdaw) - Serokê Herêma Kurdistanê Nêçîrvan Barzanî Cejna Serê Salê ya Kurdên Êzidî pîroz kir.
Kurdên Êzidî li gorî çand û kevneşopiyên xwe Cejna Serê Salê pîroz dikin.
Serokê Herêma Kurdistanê Nêçîrvan Barzanî bi vê wesîleyê peyamek belav kir û hêviya aramiyê kir.
Li gorî malpera Serokatiya Herêma Kurdistanê peyama Nêçîrvan Barzanî wiha ye:
“Cejna sersala Êzidiyan li hemû welatiyên me yên Êzidî yên ku li Kurdistanê û li her dera cîhanê bin bi germî û ji dil pîroz dikim.
Hêvîdar im cejneke aram û tena derbas bikin û her sal hemû cejn û helkeftên wan û hemû Kurdistaniyan bi xêr û xweşî vegerin.
Di vê cejnê de careke din hemû xwişk û birayên Êzidî piştrast dikim ku em dê wekî her tim piştevan û parêzerên maf û daxwazên rewa yên wan û hemû pêkhateyên Kurdistanê bin.
Herêma Kurdistanê ji bo bo hemûyan dê her bimîne welatê bihevrejiyan, lêbûrîn û hevqebûlkirinê.
Sersala hemûyan pîroz be, her sal bi xêr û xweşî.”
#VÎDEO - Kurdên Êzidî Cejna Serê Salê li Lalişê pîroz kir
— RudawKurdi (@RudawKurdi) April 16, 2025
🔥 Di felsefeya Êzidiyan de Laliş haveynê erdê ye pic.twitter.com/BtTuS9gEKg
