Hewlêr (Rûdaw) - Li gundê Gundikê Melê yê parêzgeha Şirnexê ya Bakurê Kurdistanê ax heziya û di bûyerê de endezyarek di bin axê de ma û canê xwe ji dest da.
Bûyer doh çarşemê li gundê Gundikê Melî di dema çêkirina dibistanekê de qewimî.
Endezyar Murat Bektaş ji bo ku avrêja di bin dîwarê parastinê de bipîve daket korteke 2 metreyî.
Ax bi ser de heziya
Dema ku endezyarê 32 salî daket korta avrêjê, axa li pişt dîwarê parastinê heziya.
Di wê kêliyê de Murat Bektaş di bin axê de ma.
Kesên li derdorê bi hawara wî ve çûn û ew ji bin axê derxist.
Karker û welatiyan ew bi birîndarî gihand Nexweşxaneya Dewletê ya Şirnexê.
Lê belê tevî hemû midaxeleyên li nexweşxaneyê jî endezyar Murat Bektaş mir.
![Dibistana ku êrişî wê hatiye kirin\](https://www.rudaw.net/s3/rudaw.net/ContentFiles/951195Image1.jpg?mode=crop&quality=70&rand=1&scale=both&w=362&h=226&version=8690007 "Dibistana ku êrişî wê hatiye kirin\")
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse