Kurdistan
Operasyona artêşa Tirkiyê bandor li ser mal û milkên welatiyên deverê kiriye, lê Enqere rijd e li ser operasyonê û êrîşên xwe berfirehtir bike.
Hewlêr (Rûdaw) – Balafirên şer ên Tirkiyê careke din Zinarê Kêste bombebran kirin û gerîlayên PKKê bi roket avêtin binkeyên Tirkiyê yên ku li herêmê hatine danîn.
Peyamnêrê Rûdawê Huner Reşîd ji gundê Kêste ragihand ku îro ji demjimêr 14:00 heta 15:00 piştî nîvro hêzên Tirkiyê 5 caran Zinarê Kêste bombebaran kirin û di hember de gerîlayên PKK jî çend rokêt avêtine binkeyên Tirkiyê ku li wan naveçan hene.
Huner Reşîd diyar kir ku navçeyên tên bombebarankirin nêzî gundên nîştecêbûnê ne û bûne sedem ku agir bi poş û pawan û daristanan bikeve.
Tirkiyê da ye xuakirin ku wan şkefteke PKKê ji nav birine û dest dane ser çek û cebilxaneya ku têde bû.
Di hember de PKKê jî daye zanîn ku wan li Metîna 3 serbazên Tirkiyê kirine armanc û Tirkiyê bi helîkopteran êrîşî Avaşîn û Zapê kiriye.
Artêşa Tirkiyê roja 23ê Nîsanê êriş û operasyoneke berifeh li herêmên Metîna, Zap û Avaşînê ku dikevin nav axa Başûrê Kurdistanê dabû destpêkirin. Ji ber bombebaranên Tirkiyê gundên Kêste û Çelkê yên li herêmê hatine valakirin.
Operasyona artêşa Tirkiyê bandor li ser mal û milkên welatiyên wê deverê kiriye û ji ber operasyon û bombebaranên Tirkiyê roj li pey rojê hejmara gundên ku li herêmên sînorî vala dibin zêde dibe û xelk mal û warên xwe bicih dihêlin û koçber dibin û xelkê mayî jî dibêjin, ew asê mane û cihek li ber wan nemaye ku pezê xwe lê biçêrînin. Lê Enqere rijd e li ser operasyonê û êrîşên xwe berfirehtir dike.
wezîrê Bervaniyê yê Tirkiyê Hulusi Akar pêştir gotibû ew dixwazin bi kêmtirîn ziyan navçeyê kontrol bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse