Li 16 bajarên Bakurê Kurdistanê hişyarî hat dayîn

Hewlêr (Rûdaw) - Saziya Keşnasiyê ya Tirkiyeyê ji bo 16 parêzgehên Bakurê Kurdistanê hişyariya barana gur da.

Saziya Keşnasiyê ya Tirkiyeyê îro ji bo 16 parêzgehên Bakurê Kurdistanê di asta koda “zer” û “porteqalî” de hişyariya baranê da.

Li gorî pêşbîniyên Saziya Keşnasiyê, îro li derdora parêzgehên Riha, Semsûr, Çewlîg, Mûş, Bedlîs, Colemêrg, Meletî û Mêrdînê barana gur dibare.

Her wiha dê li rojava û rojhilatê Amedê û li başûr û bakurê Êlihê jî baran bibare.

Dê li derdora parêzgehên Şirnex, Sêrt, Xarpêt, Mereş, Dîlok û Kilîsê jî baraneke gur bibare.

Hişyariya lehiyê

Di daxuyaniya Saziya Keşnasiyê de hişyarî li welatiyan hat kirin.

Saziyê ji welatiyan xwest ku li hemberî egera lehî, zîpik, bahoz û pirsgirêkên trafîkê baldar bin û tedbîrên pêwîst wergirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger