Hewlêr (Rûdaw) - Piştî vegera ji ahenga Newrozê, hejmarek welatiyên Efrînê li parêzgeha Helebê rastî êrişa bi dehan welatiyên Sûriyeyî hatin û heqaret li welatiyan hat kirin.
Di beşek ji wêne û vîdyoyên bûyerê de diyar dibe ku welatiyên Ereb camên otomobîlan dişikînin û heqaretê li Alayî Kurdistanê jî dikin.
Endamê Serkirdayetiya Partiya Demokrat a Kurdistan-Sûriyeyê (PDK-S) Muslim Mihemed, ji parêzgeha Helebê ji Rûdawê re ragihand ku îro saet 10:00ê sibehê li taxa Şêx Meqsûdê ya bajarê Helebê ahengeke taybet a cejna Newrozê hatiye sazkirin.
Muslim Mihemed da zanîn ku nêzîkî 10 hezar kes beşdarî ahengê bûne û hejmarek ji wan jî berpirsên Sûriyeyî bûn, di nav de Alîlarê Parêzgarê Helebê Elî Henûre jî amade bû.
Muslim Mihemed got, piştî 15 salan ev cara yekem e ku li wî bajarî ahenga Newrozê bi awayekî fermî tê lidarxistin û aheng bi sirûda niştimanî ya "Ey Reqîb" dest pê kiriye.
#VÎDEO - Li Helebê piştî pîrozbahiyên Newrozê êrişî Kurdan hat kirin û Ala Kurdistanê hat şewitandin pic.twitter.com/rPlwRMAa5M
— RudawKurdi (@RudawKurdi) March 21, 2026
Rê li wan hat girtin
Endamê Serkirdayetiya PDK-Syê eşkere kir ku hejmareke berçav a amadebûyan xelkê herêma Efrînê ya Rojavayê Kurdistanê bûn.
Wî da zanîn ku di dema vegerê de derdora saet 17:00an li ser rêya di navbera Til Rifet û Ezazê de ji aliyê bi dehan kesan ve rê li wan hatiye girtin.
Wekî ku Muslim Mihemed dibêje, wan kesan bi awayekî gelekî xerab êrişî welatiyên Kurd kiriye.
Muslim Mihemed her wiha got kju Ala Kurdistanê ji welatiyan standine û şewitandine, heqaret li xelkê hatiye kirin, li wan dane û camên otomobîlên wan şikandine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse