Hewlêr (Rûdaw) - Serok Mesûd Barzanî li ser koça ya Papayê Vatîkanê Papa Francis got, "Kesayetekî mezin bû ku roleke wi ya mezin di belavkirina peyama mirovdostî û aştiyê de hebû."
Rêberê rûhanî yê Katolîkan û Serokê Dewleta Vatîkanê Papa Francis, piştî nexweşiyên ku demeke dirêj berdewam dikirin di 88 saliya xwe de jiyana xwe ji dest da.
Serok Mesûd Barzanî li ser koça ya Papa Francis peyameke sersaxiyê belav kir.
Serok Mesûd Barzanî di peyama xwe de wiha got:
"Bi xemeke mezin nûçeya koça dawî ya Papayê Pîroz ê Vatîkanê (Papa Francis) gihîşt min.
Papa Francis kesayetekî mezin bû ku roleke wî ya bilind di belavkirina peyama mirovdostî û aştiyê de hebû.
Pirse û sersaxiyên xwe yên kûr pêşkêşî xwişk û birayên Mesîhî yên li Kurdistan, Îraq û seranserê cîhanê dikim û xwe bi hevbeşê xema wan dizanim.
Ruhê Papayê Pîroz Francis şad be û ji xwedayê mezin hêvîdar im hedar û aramiyê bi hemû aliyan bibexşîne."
