Serok Barzanî guhdariya pirsgirêkên xelkê dike

Hewlêr (Rûdaw) - Serok Barzanî dê li parêzgeha Dihokê bi welatiyan re bicive.

Nûçegihanê Rûdawê ragihand, “Serok Barzanî dê 3 civînan bi pêkhateyên cuda yên xelkê herêmê re bike.”

Serok Mesûd Barzanî dê bi berpirsên îdarî, kadroyên PDKyê û welatiyan re bicive û rasterast guhdariya xelkê bike.

Nûçegihanê Rûdawê yê Dihokê Nayîf Remezan ragihand ku Serok Barzanî dê 3 civînan li Dihokê bike û got:

“Hevdîtina yekem dê bi xizmên şehîdan, Pêşmergeyên Dêrîn û kesên ku Madalyaya Barzanî wergirtine re be.

Civîna duyem dê bi rêxistinên pîşeyî û civakî yên navçeya Sêmêlê re û civîna sêyem jî dê bi beşên cuda yên xelkê Dihokê re be.”

Serok #Barzanî li ser “Pira Delal”ê ye pic.twitter.com/uen8Ohytba

— RudawKurdi (@RudawKurdi) August 20, 2023

Serok Barzanî ji roja înê ve bi mebesta guhdariya pirsgirêkên xelkê li çend navçe û deverên Dihokê civînan dike.

Serok Barzanî roja înê çû Akrê û Berdereşê.

Herwiha şemiyê çû Amêdiyê û roja yekşemê jî li navçeya Zaxoyê bi welatî û berpirsên îdarî û partiyê re civiya.

Bi gotina berpirsên îdarî, di civînan de daxwazên xelkê hatin diyarkirin.

Hat ragihandin ku dê pirsgirêkên xelkê ji aliyê Serok Barzanî û tîmeke wî ve bên şopandin û çareserkirin.

Serok #Barzanî piştî ku duh li Akrê û Berdereşê guhdariya xelkê kir îro jî berê xwe da Amêdiyê. pic.twitter.com/WpALa3jWwn

— RudawKurdi (@RudawKurdi) August 19, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger