Hewlêr (Rûdaw) – Parlamentera DEM Partiyê ya Şirnexê li Newroza Gundikê Melî got, “Îro çavkaniya hêza Kurdewarî û Kurdistaniyê li Gundikê Melî veşartî ye."
Li bajarokê Gundikê Melî yê parêzgeha Şirnexê ya Bakurê Kurdistanê, xelkê bi coş û kelecaneke mezin Cejna Newrozê pîroz kir.
Pîrozbahiyên Newrozê li seranserê Bakurê Kurdistanê didomin.
Êvariya Şemiyê li bajarokê Gundikê Melî yê Şirnexê niştecihên gund agirê Newrozê hilkir.
Wan bi coş û kelecaneke mezin Newroz pêşwazî kir.
Bi meşaleyan meşiyan
Hinek ciwan bûn rêz û bi xetirên ku pêxistibûn ber bi cihê ahenga Newrozê ve meşiyan.
“Çavkaniya hêzê li Gundikê Melî ye”
Parlamentera DEM Partiyê ya Şirnexê Newroz Uysal jî beşdarî Newroza Gundikê Melî bû û got:
“Îsal li her bajar, qad û gundekî Kurdistanê agirek pê dikeve.”
Newroz Uysalê di berdewamiya axaftina xwe de got:
“Ev agir ji me re dibe yekitî, azadî û hêvî. Îro çavkaniya hêza Kurdewariyê li Gundikê Melî veşartî ye.”
Piştî axaftin û peyaman, ahenga Newrozê bi govend û dîlana xelkê bi dawî bû.
Agirê Newrozê îşev ji GundikêMelê geş bu,em her dem li Botanê Newrozê Pîroz dikin. #NewrozPîrozBe #Newroz2026@demsirnak @dbpsirnak73 @DEM_srnk_kadin pic.twitter.com/M0M2Zht6Wx
— Newroz Uysal Aslan (@newroz_uysal) March 21, 2026
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse