Hewlêr (Rûdaw) - Partiya Sosyalîst a Kurdistanê (PSK) êrişa li Pêşmergeyên Kurdistanê şermezar kir û got, “Em ê bi hemû hêza xwe li kêleka gelê Başûrê Kurdistanê bin."
Wezareta Pêşmergeyan a Herêma Kurdistanê ragihandibû, îro serê sibehê Îranê bi şeş mûşekan êrişî hêzên wan kiriye.
Li gorî daxuyaniyê, di êrişê de 6 Pêşmerge şehîd ketin û 30 Pêşmerge jî birîndar bûne.
Partiya Sosyalîst a Kurdistanê (PSK) derbarê êrişê de daxuyaniyek da û êriş bi tundî şermezar kir.
PSKê êriş wekî "êrişeke hovane û tirsonek a li dijî hebûn û mafê jiyanê yê Kurdan" bi nav kir.
Di daxuyaniyê de PSKyê sersaxî ji malbatên Pêşmergeyên şehîd û gelê Başûrê Kurdistanê re xwest û ji birîndaran re jî şîfaya xêrê xwest.
"Ev dijminatiya li hemberî Kurdan wan ji dawiya neçar a li benda wan e xilas nake"
PSKyê diyar kir ku "barbaran di nav êşa hilweşîn û tunekirinê de, mûşekên xwe yên dawî li dijî Kurdan bikaranîne" û tekez kir ku ev dijminatî "wan ji dawiya neçar a li benda wan xilas nake."
PSKyê di berdewamiya daxuyaniya xwe de wiha got:
"Eşkere ye ku van barbaran, di nav êşa hilweşîn û tunekirinê de, mûşekên xwe yên dawî li dijî Kurdan bikaranîne.
Bila were zanîn ku dijminatiya wan a li hember Kurdan wan ji dawiya neçar a li benda wan xilas nake.
Em dê bi hemû hêza xwe li kêleka gelê Başûrê Kurdistanê bin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse