Hewlêr (Rûdaw) - Serokê Herêma Kurdistanê Nêçîrvan Barzanî îro Meslehetguzarê Balyozxaneya Amerîkayê ya Îraqê Joshua Harris û şandeke pê re qebûl kir.
Di civînê de pêwendiyên Amerîkayê yên li gel Îraq û Herêma Kurdistanê, rewşa aboriyê û pirsgirêkên di navbera Hewlêr û Bexdayê de hatin gotûbêjkirin.
Li gorî daxuyaniya Serokatiya Herêma Kurdistanê, her du aliyan tekezî li ser bipêşxistina pêwendiyan kir.
Harris amaje bi nirxên hevbeş ên Amerîka û Herêma Kurdistanê da û got, "Washington pabendî bihêzkirina wan pêwendiyan û berfirehkirina hevkariya hevpar e."
"Çareseriyeke yekcarî were dîtin"
Di beşeke din a civînê de behsa pirsgirêka mûçe û mafên darayî yên karmedên Herêma Kurdistanê hat kirin.
Her du alî hev nêrîn bûn ku "divê dosyeya darayî û mûçeyê demildest were çareserkirin û çareseriyeke yekcarî jê re were dîtin."
Mijareke din a civînê jî metirsiyên terorê, rûbirûbûna gefên DAIŞê, bipêşketinên dawî yên Rojhilata Navîn û rewşa giştî ya navçeyê bû.
Konsula Giştî ya Amerîkayê ya Herêma Kurdistanê Gwendolyn Wendy Green jî di civînê de amade bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse