Mesrûr Barzanî / Wêne: Rûdaw
Hewlêr (Rûdaw) - Serokwezîrê Herêma Kurdistanê ragihand, “Xwîna şehîdan ti carî vala neçûye û vê carê jî bi vala naçe.”
Mesrûr Barzanî her wiha diyar kir ku ji bo parastina ax û rûmeta xwe, çi pêwîst be ew dê bikin.
Serokwezîrê Herêma Kurdistanê Mesrûr Barzanî li Soranê beşdarî şîna şehîdan bû.
Mesrûr Barzanî got, “Ev şehîdên neheqî û îxaneta wê êrişê ne ku bê hincet li dijî komêk Pêşmergeyan hat kirin û şehîd ketin.
Xwîna şehîdan her tim bûye sedem ku em li welatê xwe bi serbilindî bijîn.”
Mesrûr Barzanî derbarê xwîna wan her 6 Pêşmergeyên ku berê sibeha doh şehîd ketibûn got: “Xwîna şehîdên me ti carî vala neçûye û vê carê jî vala naçe.”
“Em naxwazin tevlî ti şerekî bibin”
Serokwezîrê Herêma Kurdistanê sersaxî ji hemû xelkê Kurdistanê re xwest û got:
“Em ê li ser rêya şehîdên xwe bidomin. Hemû hêvî û armanca me parastina Kurdistanê ye. Em naxwazin tevlî ti şerekî bibin û em dixwazin Kurdistan parastî be.”
Mesrûr Barzanî xelkê Kurdistanê piştrast kir û ragihand:
“Ji bo parastina ax û rûmeta xwe, çi pêwîst be em dê bikin.
Welatên cîhanê jî piştgirî û sersaxiya xwe ji bo xelkê Kurdistanê aniye zimên.”
Berê sibeha 24ê Adara 2026an, Îranê bi şeş mûşekan êrişî bargeheke hêzên Pêşmergeyan a li Îdareya Serbixwe ya Soranê ya parêzgeha Hewlêrê kir.
Di encama wê êrişê de 6 Pêşmerge şehîd ketin û 30 Pêşmergeyên din jî birîndar bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse