Hewlêr (Rûdaw) - Nûnerê Amerîkayê yê ji bo Kar û Barên Sûriyeyê ji ber şehîdketina Pêşmergeyan sersaxî da Serokwezîrê Herêma Kurdistanê.
Nûnerê Amerîkayê yê ji bo Kar û Barên Sûriyeyê Tom Barrack bi rêya telefonê bi Serokwezîrê Herêma Kurdistanê Mesrûr Barzanî re axivî.
Sersaxiya ji bo şehîdan
Hikûmeta Herêma Kurdistanê ragihand ku Tom Barrack ji bo Pêşmergeyên şehîd sersaxî ji Serokwezîr re xwestiye.
Ew Pêşmerge di êrişa mûşekên balîstîk a Îranê ya li baregehên Pêşmergeyan ên li devera Soranê de şehîd ketibûn.
Li gorî daxuyaniyê, Serokwezîr Mesrûr Barzanî ji ber vê pêwendiyê û hevxemiyê spasiya Tom Barrack kir.
Di beşeke din a pêwendiya telefonî de, her du aliyan li ser bipêşketin û guherînên dawî yên rewşa giştî ya Herêma Kurdistanê, Îraq û herêmê şêwirîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse