Qaqlîbaz masiyan dixwin / Wêne: AA
Hewlêr (Rûdaw) - Koça Masiyên Gola Wanê (Kefalên Mirarî) berdewam dike lê gelek ji wan dibin qûtê qaqlîbazên di kemînê de.
Kefalên Mirarî ji bo hêkên xwe li avên şêrîn bikin û nifşê xwe bidomînin her sal di navbera 15ê Nîsan û 15ê Tîrmehê de ji Gola Wanê ber bi avên şêrîn koç dikin.
Bi hezaran geştyar bi armanca şopandina koça masiyan li peravên çem û rûbarên ku diherikin Gola Wanê kom dibin.
Geştyaran diyar kir ku koça masiyan dîmenên nuwaze pêşkêşî wan dike û koça ji bo domandina nifşê xwe balkêş e.
Di dema koça masiyan de qaqlîbaz li ser tengavên rêyên ava şêrîn bi cih dibin û ji xwe re masiyan digirin.
Wênegir jî ji bo tomarkirina van dîmenan li Benda Masiyan a li navçeya Erdîşê kom dibin.
Geştyarê bi navê Mihemed got:
“Em dixwazin her kes were vê derê bibîne. Em bi hevalan re hatin vê derê û em vê derê gelekî diecibînin.”
Li gor amarên Saziya Çandinî û Daristanan a Wanê, her sal zêdeyî 10 hezar ton masî ji Gola Wanê tên girtin û nêzîkî 15 hezar malbat debara xwe bi masiyan dikin.
Her sal di navbera 15ê Nîsan û 15ê Tîrmehê de ji ber ku dema koçkirin û hêkkirinê ye, li Gola Wanê girtina masiyan tê qedexekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse