Hewlêr (Rûdaw) - Hêzên Tirkiyeyê û grûpên çekdar herêma navbera bajarê Serê Kaniyê û bajarokê Zirganê yê li bakurrojhilatê Hesekê topbaran kir.
Gundên Enîq El Hewa û Xirbetê Şiîrê yên Zirganê ji aliyê artêşa Tirkiyeyê û grûpên çekdar ve hatine topbarankirin.
Di encamê de rêya Til Bêderê hate girtin, êdî çûn û hatin bi wê herêmê re nema.
Nivîskarê Kurd Amir Faris ji Rûdawê re got ku ji êvara roja şemiyê ve, HSD û Hêzên Hevpeymaniya Navdewletî ya li Dijî DAIŞê, li baregeha Qesrikê rahênana leşkerî ya hevbeş dikirin.
Bi gotina Amir Faris, piştî 7 mehan ji rawestandina êrişan, careke din li navçeya Serê Kaniyê, Til Temir û Zirgan, topbaran çêbû.
Ji aliyê xwe ve jî HSDyê bi topên hawinê bersiva wan êrişa didin.
