Hewlêr (Rûdaw) - Li dergehê bajarê Kerkûkê, li ser rêya giştî ya Silêmaniyê qezayeke dijwar a trafîkê çêbû.
Di encama lihevqelibîna barhilgirek û zêdetirî 20 otomobîlan de, 5 kes mirin û 13 kes jî birîndar bûn. Her wiha piştî lihevqelibînê şewat derket.
Berdevkê Birêvebiriya Polîsê Kerkûkê Amir Nûrî Şiwanî ji Rûdawê got, "Li ser rêya Kerkûk - Silêmaniyê qezayeke trafîkê çêbû barhilgirek li zêdetirî 20 otomobîlên din qelibî."
Li gorî amarên destpêkê yên ku Amir Nûrî dane, di vê qezayê de 5 kes mirine û 13 kes jî birîndar bûne.
Amir Nûrî diyar kir ku barhilgira veguhastina çîmentoya hişk bûye û piştî ku li otomobîlan qelibiye, agir pê ketiye.
Nasnameya mirî û birîndaran
Berdevkê Polîsê Kerkûkê li ser nasnameya kesên mirî eşkere kir ku ew ji 3 jin, mêrek û zarokekê pêk tên.
Piştî bûyerê, tîmên parastina sivîlan gihîştin cihê qezayê û ji bo kontrolkirina agir û rêlibergirtina geşbûna şewatê dest bi xebatê kir.
Tîm niha ji bo vemirandina agir dixebitin daku zerer zêdetir nebe.
Tê nûkirin...
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse