Hewlêr (Rûdaw) - Fermandariya Giştî ya Hêzên Ewlehiya Hundirîn (Asayîş) a Hisîçayê nasnameyên 10 şervanên ku li taxên Şêx Meqsûd û Eşrefiyeyê canê ji dest daye eşkere kir.
Şervanên Asayîşê di dema şerê li taxên Şêx Meqsûd û Eşrefiyeyê yên li Helebê di dema şerê bi çekdarên artêşa Ereban a Sûriyeyê de canê xwe ji dest dabû.
Fermandariya Asayîşê di daxuyaniya xwe de got:
"Bi şanazî û rûmeteke mezin, em şehadeta hejmareke lehengên xwe radigihînin ku li taxên Şêx Meqsûd û Eşrefiyeyê canê xwe feda kir."
Di daxuyaniyê de hat destnîşankirin ku şehîdan bi xwîna xwe destanek nivîsandiye û nirxên herî bilind ên fedakariyê nîşan daye
Wan heta nefesa xwe ya dawîn ji bo parastina rûmeta gelê xwe û destkeftiyên şoreşê li ser eniyên xwe bi îsrar li ber xwe da."
Li gorî daxuyaniyê agahiyên li ser nasnameyên şervanên Asayîşê bi vî rengî ne:
Ehmed Silêman (Kawa Efrîn): Kurê Ebdo û Hindê ye. 6ê Kanûna Paşîn a 2026an li Şêx Meqsûdê canê xwe ji dest daye.
Ehmed Gelî (Berxwedan Efrîn): Kurê Mihemed û Rebîayê ye. 9ê Kanûna Paşîn a 2026an li Eşrefiyeyê canê xwe ji dest daye.
Enwer Cûma (Çekdar Efrîn): Kurê Mihemed û Emûnê ye. 8ê Kanûna Paşîn a 2026an li Şêx Meqsûdê canê xwe ji dest daye.
Beşar Weqas (Dogan Efrîn): Kurê Nûrî û Fatimayê ye. Kanûna Paşîn a 2026an li Şêx Meqsûdê canê xwe ji dest daye.
Cûma Şêxo (Hemûde Efrîn): Kurê Mihemed û Cenetê ye. Kanûna Paşîn a 2026an li Şêx Meqsûdê canê xwe ji dest daye
Hecî Xelîl (Rodî Efrîn): Kurê Mihemed û Meryemê ye. Kanûna Paşîn a 2026an li Şêx Meqsûdê canê xwe ji dest daye
Hesen Hemo (Fedakar Efrîn): Kurê Cemal û Nûrayê ye. 8ê Kanûna Paşîn a 2026an li Kasteloyê canê xwe ji dest daye.
Xalid Hecî (Cûdî Reşo): Kurê Mihemed û Hacerê ye. 8ê Kanûna Paşîn a 2026an li Şêx Meqsûdê canê xwe ji dest daye.
Zehredîn Hîcazî (Aslan Efrîn): Kurê Ehmed û Zehrayê ye. 6ê Kanûna Paşîn a 2026an li Şêx Meqsûdê canê xwe ji dest daye.
Talib Elûş (Talib Elûş): Kurê Wehîd û Bedîayê ye. Kanûna Paşîn a 2026an li Şêx Meqsûdê canê xwe ji dest daye.
Fermandariya Giştî ya Hêzên Ewlehiya Hundirîn di dawiya peyama xwe de sersaxî ji malbatên şervanan re xwest.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse