Şaşiyek çêbû. Tika ye paşê dîsa hewl bide.
Hewlêr (Rûdaw) – Siyasetvanê Kurd û wezîrê berê yê derve yê Iraqê, Hoşyar Zêbarî dibêje, Idrîs Barzanî xwedî kesayetiyekî mezin bû roleke mezin di tevgera Kurdî de hebû û aşkere dike: “Idrîs Barzanî peywendiyên me û Amerîkayê çê kirin.”
Li bajarokê Pîrmamê ya ser bi Hewlêrê ve îro Pêncşemê 30ê Çile merasîmek ji bo 33mîn salvegera koça dawiya Idrîs Barzanî û bîranîna wî hate sazkirin.
Di merasîmê de siyasetvanê Kurd û serkideyê Partiya Demokrata Kurdistanê (PDK), Hoşyar Zêbarî di gotarekê de behsa taybetmendî û ezmûna xwe li gel Idrîs Barzanî kir.
Hoşyar Zêbarî da xuyakirin, Idrîs Barzanîkesekî cihê baweiyê bû û cihê destê wî di tevgera Kurdayetiyê de gelek diyar e.
Zêbarî diyar kir, Idrîs Barzanî roleke dîrokî û mezin di tevgera rizgarîxwaz a Kurdistanê de hebû û koçkirina wî ziyanek mezin gihand tevgerê û hemû aliyan.
Hoşyar Zêbarî da xuyakirin, ku peywendiyên Kurd û Amerîkayê di sala 1972an de li ser destê Idrîs Barzanî hatiye danîn, dema ku Idrîs Barzanî serdana Amerîkayê kir û bingeha peywendiyên du aliyan danî.
Endamê polîtboruya PDKê herwiha da xuyakirin, ku di sala 1975an de jî bo rêkxistin û serpereştîkirina wan kesên ku çûne Îranê, roleke mezin hebû.
Idrîs Mistefa Barzanî, sala 1944 an li Barzan ji dayik bû û roja 31ê Çileya 1987an li bajarê Sîlvana yê ser bi bajarê Urmiyê yê Rojhilatê Kurdistanê ve, koça dawî kir.
Piştî serhildana sala 1991ê termên Mistefa Barzanî û Idrîs Barzanî bo Başûrê Kurdistanê hatin vegrandin û li Barzan bi xakê hatin spartin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse