HEWLÊR – El Clasico bû sedema desteserkirina 131 kesan

Hewlêr (Rûdaw) – Rêveberiya Polîsên Hewlêrê ragihand, ku 131 kesên ku bi keyfî teqe kirine hatine binçavkirin.  

Rêveberê Polîsên Hewlêrê Ebdulxaliq Telet di civîneke çapemeniyê de ragihand; “Şeva 23ê Nîsanê pişştî yariya di navbera Barcelona û Real Madrîdê de gelek kesan ji bo xweşî û şahiyê gulle berdane. Helmeta girtina van kesan berdewam dike.”

Telet da zanîn, ku şeva yariyê di gelek malan de teqe hatiye kirin û çekên giran ên weke doçka jî hatine bikaranîn.

Ebdulxaliq Telet got; “Ew kesên hatine binçavkirin ne karmendên polîs û asayîşê ne, em rê nadin ti kes asayîşa û ewlekariya Hewlêrê têk bide.”

Şeva 23ê Nîsana 2017ê, di çaçroveya yariyên lîga Îspanyayê de, her du tîmên navdar Real Madrid û FC Barcelona hatin pêşberî hev û di encamê de Barcelona bi 3-2 biserket.

Piştî yariyê li Hewlêrê ji bo şahiyê teqeyeke zêde hate kirin. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger