Hewlêr (Rûdaw) - Berdevkê Dezgeha Asayîşa Herêma Kurdistanê ragihand ku berê sibeha îro bi mûşek û dronan êrişî Silêmaniyê hatiye kirin.
Berê sibeha îro, li bajarê Silêmaniyê çend dengên mezin hatin bihîstin.
Li gorî zanyariyên Rûdawê, 6 dengên bihêz li bajêr hatine bihîstin.
Berdevkê Dezgeha Asayîşa Herêma Kurdistanê Eqîd Karzan derbarê wan dengan ji Rûdawê re axivî.
Eqîd Karzan diyar kir ku berê sibeha îro bi mûşek û dronan êrişî bajêr hatiye kirin.
Zanîngeha Amerîkî gotegot red kirin
Di nava xelkê de gotegot hebûn ku Zanîngeha Amerîkî ya Silêmaniyê bûye hedefa êrişan lê zanîngehê ev gotegot red kirin.
Li gorî zanyariyan, di êrişan de Girê Rîayeyê bûye hedef û ti zererên canî çênebûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse