Li Dêrsimê hirç kaşûnê dikin

Dêrsim (Rûdaw) - Li navçeya Pilemûriyê ya parêzgeha Dêrsimê ya Bakurê Kurdistanê, malbateke hirçan a ku ji xewa zivistanê hişyar bûye di nav berfê de dilîze û kaşûnê dike.

Bi nêzîkbûna biharê re xweza şîn dibe û tevgera ajalên kovî zêde dibe.

Li navçeya Pilemûriyê jî dîmenên malbateke hirçan a ku ji xewa zivistanê hişyar bûye bi dronê hatin girtin.

Rojnameger Îsmaîl Yolerî dîmenên hirçê û her du kudikên wê yên li çiyayên Pilemûriyê girtin.

Di dîmenan de xuya dibe ku hirça dayîk û her du kudikên wê yên ku ji xewa zivistanê hişyar bûne, di nav berfê de dilîzin û kaşûnê dikin.

#VÎDEO - Hirç ji xewa zivistanê şiyar bûne û ji xwe re dilîzin

🧸 Ev der Dêrsima Bakurê Kurdistanê ye, hirç û kudikên xwe li ser berfê dilîzin

📹Îsmaîl Yolerî pic.twitter.com/HeC0Jwy1XQ

— RudawKurdi (@RudawKurdi) March 31, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger