Hewlêr (Rûdaw) – Wezîrê Karên Derve yê Îsraîlê ragihand ku Erdogan, bi astengkirina benderên hinarde û hawirdeyê yên Îsraîlê peymanan bin pê dike.
Mijara bazirganiya Tirkiyeyê ya bi Îsraîlê re ji destpêkirina şerê Xezeyê di rojeva Tirkiyeyê de ye û zexteke zêde li hikûmeta AK Partiyê tê kirin ku dawiyê bi wê bazirganiyê bîne.
Herî dawî di medyayên biyanî de hat îdiakirin ku Enqereyê hemû hinarde û hawirdeya xwe ya bi Îsraîlê re rawestandiye.
“Îsraîl dê sax û silamet ji vî karî derkeve”
Wezîrê Karên Derve yê Îsraîlê Israel Kartz piştî belavbûna nûçeyê li ser hesabê xwe yê medyaya civakî derbarê mijarê de peyamek belav kir û anî ziman:
“Serokkomar Recep Tayyîp Erdogan, bi astengkirina benderên hinarde û hawirdeyê yên Îsraîlê peymanan bin pê dike.
Dîktatorekî ku berjwendiyên karsaz û gelê Tirk tune dihesibîne û guh nade peymanên navneteweyî yên bazirganiyê.”
Kartz ragihand wî ji bo dîtîna alternatîfa bazirganiya bi Tirkiyeyê re û hawirdekirina berheman ji welatên din ferman daye Rêveberê Giştî yê Wezareta Karên Derve ya Îsraîlê ku bi hemû berpirsên hikûmetê re pêwendiyê dayîne û got:
“Îsraîl dê bi aboriyeke bihêz û wêrek bi sax û silamet ji vî karî derkeve.”
.@RTErdogan is breaking agreements by blocking ports for Israeli imports and exports. This is how a dictator behaves, disregarding the interests of the Turkish people and businessmen, and ignoring international trade agreements. I have instructed the Director General of the…
— ישראל כ”ץ Israel Katz (@Israel_katz) May 2, 2024
Tirkiyeyê bi fermî ti daxuyaniyek derbarê mijarê de belav nekiriye.
Meha borî jî Tirkiyeyê hinardekirina 54 berheman ji bo Îsraîlê sînordar kiribû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse