FLAŞ - DAIŞ: Ebû Omer hat kuştin!

Navenda Nûçeyan – Îdîaya derbarê kuştina fermandeyê DAIŞê Ebû Omer El-Şîşanî hat piştrastkirin, ku di wan 2 salên dawiyê de çendîn caran hatibû gotin, ku ew di êrişên li dijî wê rêxistinê de hatiye kuştin.

Amerîkayê pêştir ragihandibû, ku Ebû Omer El-Şîşanî roja 4ê Adar a îsal di êrişeke balafirên hevpeymanan bo ser çekdarên DAIŞê li dedora bajarokê Şedadî yê Rojavayê Kurdistanê de hatiye kuştin.

Ajansa Amaq a ser bi rêxistina DAIŞê di nûçeyekê de ragihand, ku Wezareta Parastinê ya wê rêxistinê kuştina Ebû Omer El-Şîşanî piştrast kir.

Amaq li ser hesabê xwe yê di tora civakî ya Twitterê de nûçeya kuştina El-Şîşanî weşand.

Pêştir çend caran Wezareta Parastina Amerîka (Pentagon), Eniya El-Nusra ku komekî çekdarî yê li Sûriyê ye û Serokê Çeçenistanê Ramazan Kadirov ragihandibûn, ku Ebû Omer El-Şîşanî hatiye kuştin, lê belê îdîayên wan bê bingeh derketibûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger