Hewlêr (Rûdaw) - Heyva Sor a Îranê ragihand ku bi dronan êrişî depoyeke alîkariyê ya li parêzgeha Bûşehrê ya li başûrê Îranê hatiye kirin û di encamê de zerereke mezin çêbûye.
Heyva Sor a Îranê di daxuyaniyekê de belav kir ku destê sibehê derdora saet 05:00an, bi dronan êrişî depoyeke wan a alîkariyê ya li herêma Çexadekê ya parêzgeha Bûşehrê hatiye kirin.
Di encama wê êrişê de zerer gihîştiye amûr û keresteyên nav depoyê.
Heyva Sor a Îranê da zanîn ku di êrişê de du konteynerên alîkariyê, otobusek û otomobîleke alîkariyê bi temamî ji hev ketine.
Peymana Cenevreyê û qedexeya êrişan
Di daxuyaniyê de hat destnîşankirin ku êrişa li depoya Heyva Sor a li Bûşehrê di demekê de ye ku li gorî peymanên navneteweyî û bi taybetî li gorî Peymana Cenevreyê, armancgirtina kereste û binesaziyên tenduristî û alîkariyê bi temamî qedexe ye.
Heta niha derbarê aliyê ku ev êriş pêk aniye ti zanyariyên fermî nehatine parvekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse