Hewlêr (Rûdaw) - Wezareta Tenduristiyê ya Îranê bîlançoya nû ya êrişên Amerîka û Îsraîlê belav kir.
Wezaretê ragihand ku heta niha zêdetirî 6 hezar kesan birîndar bûne û 926 kes jî hatine kuştin.
Serokê Navenda Pêwendiyên Giştî û Ragihandinê ya Wezareta Tenduristiyê ya Îranê Dr. Husên Kermanpûr li ser hesabê xwe yê Xê daxuyanî da.
Kermanpûr ragihand ku ev amar encama êrişên hevbeş ên Amerîka û Îsraîlê ne ku ji 28ê Sibatê heta 4ê Adarê hatine tomarkirin.
Amarên fermî yên Wezareta Tenduristiyê ya Îranê wiha ne:
Birîndar: 6 hezar û 186 kes
Kuştî: 926 kes
Yên li nexweşxaneyê razandî: 2 hezar û 54 kes
Yên ku hatine dermankirin û çûne malê: 3 hezar û 545 kes
Birîndarên di bin 18 salî re: 301 kes
Zarokên kuştî: 180 kes
Emeliyatên ji bo birîndaran: 502
Aloziyên di navbera Îran, Îsraîl û Amerîkayê de gihiştine asteke metirsîdar û êrişên li ser herêmên cuda yên Îranê bûne sedema ziyanên canî û madî yên mezin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse