Hewlêr (Rûdaw) - Wezîrê Karên Derve yê Îranê Ebas Eraqçî bi awayê fermî helwesta welatê xwe ya derbarê pêşniyara agirbestê ragihand.
Wî eşkere kir ku Tehran amade ye operasyonên leşkerî rawestîne û Tengava Hurmizê veke.
"Pêşniyara 15 xalî wekî bingeha dan û standinan"
Eraqçî di daxuyaniyeke bi navê Komara Îslamî ya Îranê de ji bo bidawîkirina şerê li herêmê spasiya "hewldanên bênavber" ên Serokwezîrê Pakistanê Şahbaz Şerîf û Fermandar Asim Munîr kir.
Wezîrê Karên Derve yê Îranê destnîşan kir ku Tehran razî ye dan û standinan li ser bingeha pêşniyara 15 xalî ya Amerîkayê bike.
Di heman demê de, diyar kir ku Serokê Amerîkayê jî çarçoveya giştî ya pêşniyara 10 xalî ya Îranê wekî bingehekê ji bo guftûgoyan qebûl kiriye.
"Eger êriş rawestin, em dê operasyonan bidin sekinandin"
Eraqçî bi navê Konseya Bilind a Ewlehiya Neteweyî ya Îranê ragihand:
"Eger êrişên li ser Îranê werin rawestandin, hêzên me yên çekdar ên bihêz dê operasyonên xwe yên parastinê bidin sekinandin."
Vekirina Tengava Hurmizê
Wezîrê Karên Derve yê Îranê derbarê Tengava Hurmizê jî da zanîn:
"Du hefteyan dê derbasbûna ewle ya ji Tengava Hurmizê bi rêya hevahengiya bi hêzên çekdar ên Îranê re û bi liberçavgirtina sînordariyên teknîk be."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse