Navenda Nûçeyan – Serokwezîrê Iraqê Heyder Ebadî biryar da, hemû embar û kargeehên çekan li seranserî Iraqê ji nav bajaran bo derveyî bajaran bêne veguahstin.
Ofîsa Serokwezîrê Iraqê Heyder Ebadî îro di daxuyaniyekê de ragihand, ku Ebadî derbarê depo û kargeên çekên li nav bajarên Iraqê de biryarek derxistiye.
Li gorî vê daxuyaniyê, Serokwezîr û Fermandeyê Giştî yê Hêzên Çekdarên Iraqê Heyder Ebadî ferman daye Fermandeyiya Operasyonên Hevbeş ku pêdeçûnê bi lîsteya embarên çek û kargehên çêkirina çekan bikin.
Ebadî herwiha biryar daye, ku hemû ew depo û kargehên çekan paşê ber bi derveyê bajaran bêne veguhastin û ji avahiyên nav bajar bo karên din sûd bê wergirtin.
Ev biryara Serokwezîrê Iraqê piştî teqîna çend embarên çek û teqemeniyên milîsên Şîe li Bexdayê hat, ku di encamê de çendîn welatiyên Iraqê jiyana xwe ji dest dabûn û çendîn kes jî birîndar bibûn.
Piştî teqîna wan depoyan, daxwazên xelkê bo veguhastina kargeh û depoyên çekan ber bi derveyî bajaran zêde bibû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse