Bexda (Rûdaw) – Balyozxaneya Amerîkayê ya li Iraqê ragihand, li Bexdayê metirsiya revandinê li ser welatiyên Amerîkayê heye. Ji ber vê hatûçûna karmendên Bayozxaneya Amerîkayê ya li Bexdayê û Konsulxaneya Amerîkayê ya li Besreyê û herwiha hatûçûna hemû welatiyên wî welatî yên li wan her du bajaran sînordar dike.
Balyozxaneya Amerîkayê ya li Bexdayê bi daxuayaniyekê ragihand: “Balyozxaneya Amerîkayê agahdar e ku gefa revandinê li ser berpirs û hemwelatiyên Amerîkayê heye.”
Di daxuyaniyê de hatiye aşkerekirin: “Ji ber vê yekê Balyozxaneya Amerîkayê biryar daye ku bi şêweyeke demkî, hatûçûna karmendên li derveyî devera kesk a Bexdayê û derveyî Konsulxaneya Amerîkayê ya li Besrayê sînordar bike.”
Herwiha li gor daxuyaniyê sînordarkirina hatûçûna karmendên Konsulxaneya Amerîkayê ya li Hewlêrê nehatiye kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse