Amerîkayê hişyarî da Opozisyona Sûriyê: Minbic xeta sor e

Hewlêr (Rûdaw) - Amerîka hişyariyê dide Opozisyona Sûriyê û dibêje ku devera Minbic û rojhilatê Firatê ji bo artêşa Amerîkayê  xeta sor e.

Berpirsên Amerîkî hişyarî dane Hevpeymaniya Opozisyona Sûriyê û Artêşa Azad ku beşdarbûna wan bi her awayekî di êrîşê de tê wateya êrîşa ser artêşa Amerîka û Hevpeymaniya Navdewletî.

Li gor berpirsên Amerîkî, Hêzên Amerîkî û hêzên HSDê di nav hev de ne û her êrîşeke ser hêzên HSDê dibe sedema şer ligel hêzên Amerîkayê.

Nûnerê Serokê Amerîkayê li Hevpeymaniya şerê dijî DAIŞê Brett Macgurk, ragihand ku her operasyoneke serbazî ji aliyê Tirkiyê ve dê ne hekîmane be.

Ji aliyê xwe ve, Berdevkê Serokomariya Tirkiyê Îbrahîm Kalin, ragihand ku welatê wî beşek ji Hevpeymaniya Navdewletî ye û ew dixwazin karên xwe bi hevahengî bikin û tekez kir ku peywendiyên berdewam û bi hêz di navbera wan û serbazên Amerîka û Hevpeymaniya Navdewletî de hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger